[عهدي مع الحسين]

شريط (ألهام في حب الحسين)
مهدي العبودي
1- لو روحي طير أتصير

لو روحي طير أتصير لأرض البقيع أتطير مثل الطيور
وأشعل شمع ميلاد وأتعنه للسجـــــــاد بدموع أزور
وأخفض أبجناحي مثل جنح اليمامة .. وأحجي ألترابك حزن قلبي أوغرامه

درب الحبيب أبعيد ما بيّه حيله .. بيّه الجِــدِم مشلول بأيش أعـتـنـي له
لو يسمع الحسرتا من تشتجي له .. وأبجي له بيّه أشصار دمع وأسيله
كون بيّه الروح تتحول حمامة .. وأصفق أجناحي مثل جنح اليمامة

* * *

آه أشكثر حسرات شايل دليلي .. ذاب الصخر من شاف نوحي اوعويلي
كل من خليله آوياه وآنه أودليلي .. أتســـــــامر اومعــــذور ميّـــت خليلي
خلِّي حيدر صار وأشواقي يتامه .. وأصفق أجناحي مثل جنح اليمامة

* * *

قلبي أشتعل بالشوق من يطفي ناره .. زين العباد أينوح ليله أونهاره
طبع أليحب مرفوض منه اعتذاره .. ياهو ألينشف أدموع عين العــذاره
قلبي باليقظة يشوفه وأبمنامه .. وأخفق أجناحي مثل جنح اليمامة

* * *

جرح الحبيب أشلون يشفه أبغيابه .. وآنه أبعقل مجنون عاشق سرابه
لو قبره باب أيصير وأبجي أعله بابه .. أتعنه للسجاد وأشتـــــم تــــــرابه
يم قبر زين العباد أخفه أبسلامه .. وأصفق أجناحي مثل جنح اليمامة

* * *

[عهدي مع الحسين]

شريط (ألهام في حب الحسين)
مهدي العبودي
2- صرت أيوب أنا بصبري

غرامك يالحسن تدري لو أن بيك أدفعت عمري
وأجيك اوحسرتي أبصبري عشق مجنون خلاّني
يا غالي وبالنبض تسري دموعي ألفرقتك تجري
صرت أيوب أنا بصبري متت والشوق أحياني
ذبت بهــــــواك .. يا ضوى أعيوني
يسئلوني عليمن هايم أبقبره .. يلوموني وأنا المجنون بالعترة
أنا المجروح أنا المذبوح أحب النوح وأبعبره .. أنا المظلوم أنا المحروم أفضي أهموم بالحسرة
أظن من صوّرك ربي صرت شمعة وفا ألدربي .. عيوني أعله الدرب تربي صرت أفراحي وأحزاني
حبيبي أوساكن أبقلبي أصبحت وردة أبوهج حبي .. ذنب هالروح مو ذنبي طوت وأتخاف تنساني
ذبت بهــــــواك .. يا ضوى أعيوني
* * *
أنا اوروحي عليك أتناشد أبلهفة .. دوى أجروحي وإذا شفتك حبيب أشفه
أهشم أضلوع أهل أجموع وأصير أشموع ما تطفه .. على الجفين احط شمسين وأخيط العين لو تخفه
شمس بدموع أوديها تسولف لك مآسيها .. تذكرك خاف ناسيها أبد حاشاك تنساني
الشمس بالليل أخليها وأبد ما تطفه .. وصّيها دموع العين أداريها تصير الطيف بألواني
ذبت بهـــــــواك .. يا ضوى أعيوني
* * *
على ترابك تطوف أدموعي وآهاتي .. على أصوابك تصير أشموع حسراتي
دمع سجاب أروّي تراب أضمد أصواب وجناتي .. وأبجي الليل أشوف الويل أجيك أبسيل دمعاتي
دمعكم فض شرايني تهل أشواق من عيني .. أشوفك يوم خليني يا حارم عيني من شوفك
صرت مجنون تدريني وأحب العي أبسجاجيني .. غرامك ما يخليني أهيد امن أذكر أحروفك
ذبت بهـــــــواك .. يا ضوى أعيوني
* * *
أحن وأرحل وأشوفك لو يدلوني .. وإذا أسال على اترابك يمنعوني
أحن وأهواك ما أنساك يلذكراك بضنوني .. أهيج أشلون أنا المفتون والمديون سمّوني
أسولف يا جرح أبدي غرامي أيجيب وأيودي .. سهم هجرك مُرّد جبدي أشوفك وين يالغالي
جرح دلاّلي ضل يجدي وانا اودمعاتي أللي أبخدي .. أذوب وأشتعل وحدي مثل حال الجمر حالي
ذبت بهــــــــواك .. يا ضوى أعيوني
* * *

[عهدي مع الحسين]

شريط (ألهام في حب الحسين)
مهدي العبودي
3- هالليلة الأنوار

هالليلة الأنوار تغنّت في غرامه
طير السعد طار عِلَن مولد إمامه
يا مولد احسين يا قرة العين .. يا قرة العين يا مولد احسين

أبمولدك هو واجد أتضوي الشموع . . واجب إحنه أبمولدك نشعل جفوف
لو تطفي أجفوفنه أتوّج الضلوع . . والضلوع ألتحضن أقلوب السيوف
عاشقينك .. عاشقينك .. عاشقينك .. عاشقينك
يا كنز الأسرار يا سر روحي الغريبة . . ما تحرق النار مُحب يوفي ألحبيبه
عين الموالين يا مولد احسين .. يا مولد احسين يا قرة العين

* * *

أنته لو حبك ذنب نتعنه ليك . . نترك الإسلام وأنقدم ذنوب
وأنته لو جنة أصبحت الكل يعتنيك . . عابس إحنه أنصير وأبحبك نتوب
عاشقينك .. عاشقينك .. عاشقينك .. عاشقينك
نسحق على النار نجي اونبجي أعله بابك . . كل هاي الأنصار طود جنة ترابك
يا نصرة للدين يا مولد احسين .. يا مولد احسين يا قرة العين

* * *

لو تركنا الخلق طُراً في هواك . . علّمتنه أوبيك صرنه أميّتِمين
نعتني لقلوبنه أونعشق سواك . . لأن تلقه أبكل قلب صورة حُسين
عاشقينك .. عاشقينك .. عاشقينك .. عاشقينك
يالمولدك صار ولادة للعقيدة . . كل عام تذكار وإلك جنة جديدة
نتبعك اسنين يا مولد احسين .. يا مولد احسين يا قرة العين

* * *

انته مو بس البشر حُبك مُلك . . انته حبك مالك أذنوب الحمام
انته حتى احسين هم يشتاق إلك . . يعني حتى احسين هم زار الإمام
عاشقينك .. عاشقينك .. عاشقينك .. عاشقينك
عايش بالأفكار مثل حب العذاره .. والما قصد زار خلص عمره خسارة
عيد الملايين يا مولد احسين .. يا مولد احسين يا قرة العين
* * *

[عهدي مع الحسين]

شريط (ألهام في حب الحسين)
مهدي العبودي
4- يا أغلى من غالي

بالدم كتبناك يا أغلى من غالي
عالفطرة نهواك يا أول اوتالي
يشهد علينه علينه علينه .. ربنه اونبينه اونبينه اونبينه

يحسين إلك عشاق من المهد لليوم
بينه النفس لو ضاق ويهل دمع مغموم
يم حضرتك يحسين يتعنه كل مظلوم
غالي أبغلات العين وأعله الوجن مرسوم
ذبنه اوهوينه اوهوينه اوهوينه .. حضرت ولينه ولينه ولينه
* * *
لا بد عكس لاندور لو دارت الأيام
حدر القبر وأنزور نتعنه ليك اعظام
هل من يوالي احسين لو يصرخ الاسم
ما نمشي عالرجلين نركض ركض عالهام
بيك اقتدينه اقتدينه اقتدينه.. نهجك مشينه مشينه مشينه
* * *
مثل الشمس مرفوع واتفرعت بالروح
مو راسك المقطوع راس الرمح مذبوح
بالطف قلبت الكون يا بلسم المجروح
ما تبجي ليك اعيون جان التراب أينوح
كلما بجينه بجينه بجينه .. بيك اهتدينه اهتدينه اهتدينه
* * *
كعبة اوتطوفه الناس قبرك يبو الأحرار
من الجدم للراس كلك عبر واصرار
للموت الك خدام بينه الدهر لو جار
لو جارت الأيام نشتد عزم وإصرار
لو ما نسينه نسينه نسينه .. للموت اجينه اجينه اجينه
* * *
بينه الفرح حزنان لو يقصد العتبات
بسماتي عالبيبان يتحولن دمعات
مثل الفراش ايزور تتماوج الروجات
اسمك قدرنا انعود وانحفه واحنا اموات
جد ما بدينه بدينه بدينه .. دمنه اووّفينه وفينه وفينه

القصائد من كلمات المبدع ابو محمد لحميداوي
والرادود المبدع وصاحب الابداع مهدي العبودي
مع تحياتي :o:o

[حيدر الكوردي]

السلام عليكم ورحمة الله وبركاته بسم الله الرحمن الرحيم اللهم صل على محمد وآل محمد وعجل فرجهم الشريفا للهم كن لوليك الحجة بن الحسن (صلواتك عليه وعلى آبائه)في هذه الساعة وفي كل ساعة ولياً وحافظاً وقائداً وناصراً ودليلاً وعيناً حتى تسكنه أرضك طوعاً وتمتعه فيها طويلاً وهب لنا رأفته ورحمته ودعائه وخير برحمتك يا أرحم الراحمين اشكركم على هذه القصائد التي تغنت بحب الحسين عليه السلام وان شاء الله يكتبنا واياكم من الطالبين بثاره مع صاحب الزمان عج

[عهدي مع الحسين]

شكرا للمرور حيدر نورت موضوعي بوجودك

[عهدي مع الحسين]

* * *
أحن وأرحل وأشوفك لو يدلوني .. وإذا أسال على اترابك يمنعوني
أحن وأهواك ما أنساك يلذكراك بضنوني .. أهيج أشلون أنا المفتون والمديون سمّوني
أسولف يا جرح أبدي غرامي أيجيب وأيودي .. سهم هجرك مُرّد جبدي أشوفك وين يالغالي
جرح دلاّلي ضل يجدي وانا اودمعاتي أللي أبخدي .. أذوب وأشتعل وحدي مثل حال الجمر حالي
ذبت بهــــــــواك .. يا ضوى أعيوني
* * *