|
|
مــوقوف
|
|
رقم العضوية : 50364
|
|
الإنتساب : May 2010
|
|
المشاركات : 205
|
|
بمعدل : 0.04 يوميا
|
|
|
|
|
|
المنتدى :
المنتدى الثقافي
ضلعي الدماه البسمار
بتاريخ : 17-05-2010 الساعة : 04:42 AM
ضلعي الدماه البسمار لوع دليل ... وبطيحت ابن الكرار انهدم حيلي
زايد عذابي ... ويسعر مصابي
ناري سريه ... انه الزجيه
صدك مايوصلك ياوالدي خطابي ... وصدك بعدك تصل اهل الحقد بابي
اعتنوني اهل الضغينه وداسو اعتابي ... وصفت كل المصايب تنعى لمصابي
بنتك يبويه بلياك ضلت وحيده ... تولت عليه الفجار واهل المكيده
بهمي وعذابي ... يسعر مصابي
ناري سريه ... انه الزجيه
بنت خير البشر والعالم باسره ... اانه ام الحسن وحسين انه الزهره
اانه العبرتي تجلب الف حسره ... ولحد يوم القيامه جروحي ماتبره
يابويه من يوم جفاك شفت الاذيه ... والفرح بعدك ما يوم مر مره بيه
تحتم غيابي ... يسعر مصابي
ناري سريه ... انه الزجيه
اعتمد ياذيني خصمك بويه بغيابك ... ونكر حرمة وصيتك وعتنه لبابك
تعنولي وكصدهم كوثر كتابك ... يبويه وحركو الدار على احبابك
ناديت انه بعالي الصوت محد حضرلي ... ومن الخلك يامختار محد نغرلي
بايدي كتابي ... ويسعر مصابي
ناري سريه ... انه الزجيه
ونين مصابي ما بالكون مثله ونين ... صطرني الضالم بجفه ودمالي العين
عصرني وكسر بيه من الضلوع ثنين ... وينك يا علي من الداس بيتك وين
بضلوعي شبت نيران وعيوني تدمي ... دارت عليه الضلام والهضم سهمي
بدمعي جوابي ... يسعر مصابي
ناري سريه ... انه الزجيه
يبو الحسنين الك عندي وصيه ودين ... بعد موتي امانه يضل حسن وحسين
واانه ادري اليتامه تضل تدور العين ... بعدي وتنفجع بمكدرات البين
عندك يفخر المختار زينب امانه ... والكبر يا حامي الجار ابعد مجانه
ل الله احتسابي ... يسعر مصابي
ناري سريه ... انه الزجيه
خادمك
رحيم الحسناوي
|
|
التعديل الأخير تم بواسطة نسايم ; 23-05-2010 الساعة 06:51 PM.
|
|
|
|
|
|
العرض العادي
