|
|
عضو برونزي
|
|
رقم العضوية : 52479
|
|
الإنتساب : Jul 2010
|
|
المشاركات : 1,359
|
|
بمعدل : 0.26 يوميا
|
|
|
|
|
|
المنتدى :
المنتدى الثقافي
قصيده بحق الامام الحسن (ع) ادخل للبركه
بتاريخ : 05-01-2011 الساعة : 10:31 AM
يالحسـن يالمسمـوم ----- هـاي المسيه
لجلك ابدمع العين ----- يبن الزچـيه
أنصيح بألـم عبـره
وبلـوعـه وبـحـسره
يبن الزچيه
*****************
يمن حزنك عـزانه يالحسن وايدور
يظل بينه ويجدد كل حـزن عـاشور
انته أول شراره الخـطت النه النـور
يـل دمـك يسن قـانـون كـل دسـتــور
بـالـدمـعـه والآهـــات ---- نـذكـر اغـيـابـك
وننزف ادموم ادموم ---- بلـوعة مصـابـك
نار وتظل جمـره
وبلوعه وبحسره
يبن الزچيه
****************
كبر حـزنك جرح ويمر علينه هـموم
وانمطـر كل دمعـنـا ادموم يامسموم
نصيح وجرحك أيـفـززنه يامـظـلـوم
هم مسموم انته وهـم گـبــر مهـدوم
شفنه المصاب اصواب ---- والجرح يكـبر
وصحـنـه بـعـظـم فـرگاك ---- الله و اكــبـــر
وفراگك اشكبره
وبلوعه وبحسره
يبن الزچيه
****************
يظل حزنك يحـز ابـرواحـنا وننعـاك
وياريت احنه كلنا يالحـسـن ويـــاك
ما نگـدر نعـيـش ونصـبـر ابـلـيــاك
وسط الروح باقي وبالگلب ذكــراك
من چـبــدك المسموم ----- نـغـمة عــزانـه
يالحـسـن وبكــل زود ----- نـرفــع لـوانـه
بنغمة حزن نقره
وبلوعه وبحسره
يبن الزچيه
*******************
يـفـززنه الجـرح وانصـيـح ما نهــده
على الطاح واتــوذر وانـمـرد چـبده
ياناس الحـسـن كل ذنــب ما عــنــده
وتجرع غصص من شرب سم چعـده
نار السرت بالــروح ----- يسعــر لـظـاهـا
وابـلا رحم هـالناس ----- تحـقــد شجاهــا
ولدينك اتـنـصره
وبلوعه وبحسره
يبن الزچيه
****************
تجـرعـنـا بمصابــك لـوعة الاحزان
يابو الجـود يـل كلـك وفـه واحـسان
يل منهـج وجــودك نـفـحـة الـقـرآن
خسران اليـعـاديـكـم يـظـل خـسـران
وبـشـهگـة الاحــزان ----- يـمـطـر دمعـنا
عالجره صحنه بصوت ----- محــد سمعـنـا
كلب المحب نظره
وبلوعه وبحسره
يبن الزچيه
*****************
على امصابـك يظل كل الحزن يكـبــر
وتظل كل لحظه نارك بالگلب تسعــر
نـريـد بجاهـك احنه بساحة المحـشـر
نحصلها الشفاعه امن الوصي حيـدر
كلنا بعـلات الصـوت ----- يـالحسن صحـنه
نبقه ونظـل للــدوم ----- نـخـدمـكـم احنـه
ياشمعة العـتـره
وبلوعه وبحسره
يبن الزچيه
****************
رياض الرسل
| |
|
|
|
|
|
العرض العادي
