[رحيم الحسناوي]

من نحط ميزان ونخظ السنين ... ونقره شنهو البين حمزه والحسين

حمزه طاح برمح وحشي من انغدر ... وحسين عجّل صاحوا اسرع بالسفر

حمزه طاح وكطّعو جبده الطغاة ... وكطّعوه حسين وانحز النحر

يا خليفه؟ يا شرع ؟ يا مسلمين ؟

هوه شو نفس المصاب انعاد وبنفس الانين

لجعفر الجفّين طارن بالهوى

وهنّه نفس جفوف شيّال اللوى

وثبتن دين الطهر للمتّقين

وهيه هيه الزهره زينب بالطفوف

الزهره حركَوا دارهه وراحت بعيد

وزينب احتركَت خيمهه بمر يزيد

الزهره دمهه يسيل والكافر فخور

وزينب وحيده وتون بين النحور

ضلوع من صدر الزجيه تنعصر

وجتف زينب يحمر بسوط الكفر

هوه نفس الصار وبنفس المصاب

ونكرو الاسلاف الله والكتاب

ذبّحوا بالطف على الغبره شباب

وجانوا يضنّون همّه الفائزين

هوه شو نفس المصاب انعاد وبنفس الانين

رحيم الحسيني الحسناوي

[رياض الرسل]

السلام عليكم
رحيم الحسناوي

اشكر على هذه الكلمات
دمت بكل خير

رياض الرسل

[المتقي]

اخي رحيم الحسناوي

بارك الله بك

[ثورة الحسين]

بارك الله فيك وجزاك الله خير الجزاء بحق محمد (ص)
اخوك الصغير
عبدالله الشاعر

[سديم الفجر]

السلام عليكم ورحمة الله وبركاته
اللهم صل على محمد وآل محمد
بارك الله بكم لهذه القصيدة الرائعه
موفقين احسنتم