[فرقة احباب الزهراء]

غصبن عله الارهاب احنه مشينه

وانقدم الارواح فدوه الولينه

لويفجرونه لويوذرونه

فدوه الولينه

واضح هدفنه ومانزل للموت عنه

نتبع نهج حيدر علي سرنه واملنه

وانجدد البيعه اله ونفديه عمرنه

وهيهات ماننساه ابد راعي المحنه

ومن عالم الارحام مزروعه بينه

بذرة وفه واخلاص لعترة نبينه

لويفجرونه لويوذرونه

فدوه الولينه

مذهوله خلينه الخلك حيرنه الافكار

ياعشك هذا الينفدي وبغالي الاعمار

والاعجب ابهذا الامر ويلفت الانضار

حتى طفلنه البالمهد يندب يكرار

وبغالي الاثمان الحبه اشترينه

وغيره ابد منريد ولاماهوينه

لويفجرونه لويوذرونه

فدوه الولينه

ومن بعده والينه الطهر نور الثريات

واعلنه بيعه ثابته وكررنه صيحات

كلنه فده البيت النبي واهل الكرامات

واشما كصه بينه الضلم مانذل هيهات

وقدمنه جم برهان يدعم حجينه

مونحر احنه انحور الهم فدينه

لويفجرونه لويوذرونه

فدوه الولينه

جربوا انواع الغدر احفاد اميه

وذبحتنه شفرات الحقد وعله الهويه

ورادونه ننسه ونبتعد اهل الرديه

مادروا بالروح انعجن سرهالقضيه

وخلي اليلوم ايلوم مانمل منهم

ويدرونه ليل انهار نلهج باسمهم

لويفجرونه لويوذرونه

فدوه الولينه


كلمات الشاعر الحسيني
ابو امين الفرطوسي

[رياض الرسل]

السلام عليكم

موفقين على هذا النقل
دمتم بكل خير


رياض الرسل

[ثورة الحسين]

تسلم على الموضوع القيم والرائع
ت
ح
ي
ا
ت
ي
واهدي اليك هذا الدارمي بقلمي
ــــــــــــــــــــــــــــ
باب الحوايج سموك كل حاجه تكضيه
واطيب العليل ابساع والعله تشفيه