[خادمة الكاظم والجواد]

ياحسين

حسين قدم الي ماكدر واحد يقدمة
لو نرجع ونشوف احنة لحسين شنو قدمنة

يكول يازينب جيبلي اقدم ثوب
لأن الجيوش الغادرة من بعد الحرب يسلبنة

واحنة النساء اليوم ياحسين
تلبسلي القصير والشال جرنة

ياعلي الأكبر شحجيلك علشباب
منو مثلك سيدي بمحيا طلعة الجنة

هسة الشباب الوكت ياعلي كلهم مساحيق
اتشوفة مثل العروس بليلة الحنة


******

اشتكي الك سيدي وعالشيعة اشجار
وانت تشوف وتعلم اشجرة النة


اتهمونة ذولة اليوم بالكفار

وزرعوا قنابل وحرفوا عنة


كالوا انتو عباد الأصنام
وانتو عباد الحديد وتشركوا بربنة


احنة ياحسين انصير كفار ؟
وهمة لرسول الله قتلوا ضعنة


خلق رب الجلالة الكون لأجل حسين

ولو راد العزيز يمحينا كولنة


ويسكن كل الأرض رجال مثل حسين
ويخلي النساء مثل فاطمة امنة


بس رب الجلالة لة الحكمة والتقدير
من خلة حسين حجة ومنة


حسين نعمة من الخالق الجبار
وليعترض منهم النيران حبنة


والي يريد يعرف من هو حسين
خل يجي لشيعة ويدخل عالمنة


عالمنة جميل والأفضل بالتاريخ

لأن سيدي حسين هو جملنة


النة فخر من نقبل الشباك

مو طبعا عبادة لحسين قبلنة


هذا امامي حسين وافخر بي

احنة طلاب حسين وهيج علمنة


كافي قنابل وكافي تفجيرات
خل نصحة يابشر الوكت خذنة


وخل نصير حبايب وكلنة اخوان

وتصير قبة حسين هية منزلنة

[الناقد]

الاخت خادمة الكاظم والجواد
لقد نقلت القصيدة الى القسم المناسب
قسم الشعر الشعبي

[ابوتكتم الخير]

قصيدةجميلة
موفقة إنشاء يا خادمة الكاظم والجواد
نتمنى أن نقرأ الأفضل
وجزاك الله خير الجزاء
أخوك أبوتكتم الخير

[الشاعر حسن خليفه]

اللهم صلي وبارك على اشرف خلق الله محمد وعلي وفاطمه صلوات الله عليهم اجمعين

الاخت العزيزه خادمه الامام الكاظم والجواد

قصيده جميله ومحاوله تنطق بالروح الولائيه الحقه لاهل البيت عليهم السلام

سننتظر القادم من حروفك الولائيه بكل شوق

فلا تحرمينا من جديد ماتكتبين

لك مني السلام والاحترام

تقبلي مروري

اخوك الشاعر

حسن خليفه

تحياتي

[خادمة الكاظم والجواد]

شكرا لمروركم الكريم