[ابو معاد النجفي]

أسمعك صوتي بهاي المسيه..عزي وياي كوم انت الزجيه
ارفع ايدك اوياي..كوم ابجي عله مبجاي
كوم اليوم نرثيه الزجيه

كوم اليوم بيدك البس اسود..وعفر هالجبين والطم الخد
صيح بصوت كلمن حضر ينعد..مسجل بالولايه وعلي يشهد

كلمن حضر عناي..يسجله النجم وسماي
عليك اشهود تصبح هالثريه

مسجل بالقلم ويسجله اللوح..شما تلطم تعزي بصوت مبحوح
زيد من الانين وزيده النوح..وصيح ابصوت يامظلوم مذبوح

حتى الصوت بهداي..الك يتسجل بهاي
مسجل بالقلم وتخطه اديه

اسمع يالموالي واكسب افعال..ايام الحسين تحطم الاجبال
تظل مذكور تذكره الاجيال..شما دار الزمن علينه وطال
حسين الشفه من الداي..خلي بعقلك الراي
يزيح اسمه الالم واكبر بليه

انشدك بالحزن وهموم زينب..صيح بصوت عالي وياي وانحب
حزن بالبيت والدلال تنصب..وعلى الحيطان هالجلمات تكتب

وانطي بيدك الماي..ثواب واجر مولاي
وبيدك تخدمه امصاب الزجيه
\
هنياله الخدم والمدمع يسيل.. يتذكر ظعنهم من نوه رحيل
زينب بالنظر لااخوه اتطيل..انت بشاربي يختي وانه كفيل

انه الالج حماي..وارخصلج انه اعضاي
والج منذور هاي اثنين اديه

شوف الصار يوم الحل الوداع..وابو فاضل بديه اليرفع شراع
وكلب زينب اشلون اليوم ملتاع..من شافة وليه حنه الكاع

كله اليسره يمناي..احفظيهن وي الواي
خل اجيال تذكره البريه

لخادم اهل البيت
ابو علي السعيدي

[ابوتكتم الخير]

عظم ألله لك الأجر
بمصاب الأمام الحسين
أحسنت جعلها ألله في ميزان حسناتك
يشفع لك الحسين
خادمكم
ابوتكتم الخير

[الشاعر حسن خليفه]

اللهم صلي على محمد وال محمد

والحمدالله على نعمه الايمان وبر كه الولايه

قصيده رائعه ولائيه الحروف ايمانيه المعنى

بارك الله بك وجعلك من اتباع محمد وال محمد

صلوات الله عليهم اجمعين

وتقبل مروري المتواضع

خادمكم الشاعر

حسن خليفه

تحياتي