زيد الطالب ثار بدمه
إنظر زيد وشوف أنواره
التاريـخ إيـــدون آثــــاره
ناده حسين ويطلب ثاره
متهمه النــــاس الغــداره
آثار يدونها بدمه
*******
بدمه التاريخ إيكتبونه
وماطفه النشاب عيونه
بأنوارالجبهه يصوبونه
حيدر جده وهم يدرونه
ماهمه الظالم ماهمه
******
ماهمه الظالم وإعوانه
واكف ند بنص ديوانه
من راد إيقلل من شانه
صاح بصوت وحيدر آنه
وأرعبهم إبهاي الكلمه
******
كلمة حق بوجه الجائر
هاي أوصاف لزيدالثائر
وبهاي السيره يظل ساير
منشافه الظالم ظل حاير
نور وشعشع وسط الظلمه
*******
ظلمه ونورها بدم نحره
من كام بثوره إبن الزهره
ناذر روحه ويوفي بنذره
دين الباري الغايه الكبره
وثار حسين الظامي يهمه
*******
زوره ودنك شم أعتابه
وإجري العبره ونوح إبابه
وصلي أوإدعي بدم صوابه
وشاهـــد آثــاره وأحبــابه
أ ملاك وجن زيد إتخدمه
قاسم طاهر القاسمي
ابو تكتم الخير
26/محرم / 1433
ابوتكتم الخير : زيد الطالب ثار بدمه
العرض العادي
