[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

مولـــــــــــــــــد بنــــــــــــــت الهــــــــــــــــادي ( كعده )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
نزلتْ أملاك كُلها إتنادي === تعلن ميلاد بنت الهادي
أشرق هالكون بأنواره === غنّتْ أطيار وأشجاره
تعلن ميلاد بنت الهادي
ـــــــ
نزلتْ الأملاك فرحانه إو تهنّيها الخديجه
غنّتْ الأطيار والأشجار خضرته بهيجه
نور يملي الكون غطّاها الأرض زاهي نسيجه
نزلن نساء إمن السمه == حضـــــرن ولادة فاطمــه
والدنيه أضحت باسمه == تزدهي إبهاي النتيجه
أشرق هالكون رحّب بيها === نـور الزهراء من باريها
صلّى المرسول شاكر كبّـر === والحور العين نادتْ كوثر
تعلن ميلاد بنت الهادي
ــــــ
فاطمه الكوثر هداها المُقتدر لأحمد رسوله
نور من نور الجلاله ثابت إو تزهي إصوله
من عبير الجنّه مخلوقه عُطر وأعلن وصوله
فرحان هادينه النبـــــــي == غاض العدو والناصبي
مذموم كُل ناكر غبــــــــي == ينكــــــر الخير إو حلوله
بزغتْ هاليوم زهرة أحمد === بنـت المختار نور إتخلّد
والشانــــئ مات ظل إبغيضـه === هاي الأنوار تزهي إتغيضه
تعلن ميلاد بنت الهادي
ـــــ
رحمة الله الواسعه الزهره الشفيعه للبريّه
حجّة المعبود معصومه الوديعه الهاشميّه
أم أبيها المُصطفه المُختار موسومه الزﭼيه
أم الحسن بيها الأمل == مرفوض شِيْفيد العمل
لو ما إبهوى الزهره إتصّل == هيّــــــه تنطينه الهويــــــــّه
هاذي الزهراء نور إو أزهر === بيهــــــا الآمال يوم المحشر
مولدها اليوم هنّوا الغايب === هلــّتْ أفراح كُلها إتجاوب
تعلن ميلاد بنت الهادي
ــــــــ
نحتفل هاليوم بالمولد إجينه ياولينه
نوفي الكرار والمختار هادينه إو نبينه
وإنتَ يالغايب نريدك تحضر إويانه إو تجينه
وإبجيّتك يحلَه الفــــــرح == وإيطيب كُل شيعي إنجرح
كُل مَنْ صُبَر فاز إو نجح == تنتهـــــــــي الظلمه الحزينه
نُنصب أفراح وإبكُل شارع === صوتــك مفهوم والكُل سامع
تهتف مولاي يبن الزهــره === وإتزيح الضيم عنّه إو جمره
تعلن ميلاد بنت الهادي
ــــــ
تهنئه للمُجتبى وإحسين نرفعها إو ننادي
مولد الطيبه الزﭼيه اليوم إلها الطير شادي
والفرح عم البريّه كُل مُحب يهتف يهادي
مبروك طلّة فاطمه == هاي الهديّه إمن السمه
بنتك وجيهه إو غانمه == إلهـــــــــا حبّي إو كُل ودادي
منها الأطهار ياهادينه === منهـــا الموعود يِظهر دينه
نفرح هاليوم يامولانه === كُل الأكوان هم فرحانــــــه
تعلن ميلاد بنت الهادي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldook73825.mp3.html