[ابو معاد النجفي]

ألمن نشكي بهدم السور... لضلع الزهراء المكسور
من كسروا ضلعچ بالباب.... نندب وينك يا بو تراب
حكم الظالم والمأجور

الكسرو ضلعچ معروفين.... تعرفهم كل الاقــــوام
مابيهم من صان العشره... ولابيهم صاين ارحام
هذاالموقف كله انذكره ... من طاح المحسن كل عام
انعزي الکونين ابّضعتنه ... من گوم الامسوا ظــــــــلام

التاريخ يگول اصحاب... وظلع الزهره بيش انصاب
والموقف حتما مشهور

الزهره تندب وتنـــــادي .... هاي اوصيتي تظل تذكار
لاترحم كل واحد منــــهم.... وتبايع بس الاحــــــــــرار
ماعدهم ذمه ولارحمه .... ما صانوا عهد الكـــــــــــرار
خانوا حيدر اول مره .... وشوف بحال الزهره اشصار

عدنه وياهم احنه احساب .... ماعدهم غيره وانساب
متطهرهم سبع ابحور

خلينه انصوّر محنتها... وايام المرت عالزهــــــره
طاح المحسن يا حالتها .... چم اه وچم عبره وحسره
تنادي يابويه ومهضومه .... وبعبرتهه تخاطب گبــره
چتّفت الكرار بعهـــــــــدك.... واتحمل يامعظم صبـــره

عهدك نعرف بيه اسباب ... وسرك منطيه للاحباب
والعالم يوميه ايزور

بياحاله امست ام المحسن .... من عصروهه بباب الـدار
وشلون وجرعت هالقسوه .... من صوّب چفها البسمار
مسلوبه وممنوعه حگها .... واحتارت بعد المختــــــار
دارت كل الدنيه عليها ..... وحاطتهه عيون الاشـــرار

عدهه ويانه الزهره اعتاب .... من تذكر عصرات الباب
ومن تذكر حيدر مجرور

بضعه وچانت يم والدهه.... وانهضمت حيل بفرگاه
ماغابت عن عينه الزهره .... لو ما هالموت الوافـاه
انصابت وانهدمت بعده .... واتمنت بالموت اويـاه
تتبع اثار ارسومــــــه .... وتشم اهواها من اهواه

جان الهه الريح اللي هاب.... وشلون الوالد لوغاب
يتهدم ركن المعمور

گالت مااريدن هالدنيــــه .... وياعمري البعدك لاطال
ابتسمت لمّن سرها بسره .... من حضرت يمه الاجال
ومن شاف الموقف والدها وعالخد مدمعها اللي سال
گاللهه انتي البعدي بموتي .... يازهره وختمي الامــــــال

تحسب بالايام احساب ..... وجم جرح البيهه وماطاب
ماعاشت من بعده اشهور

لخادم اهل البيت
ابو علي السعيدي

[رياض الرسل]

السلام عليكم

الغالي والعزيز
ابو علي السعيدي


اسأل الله ان يوفقك على هذه القصيده
شرف كبير وجودك بيننا
والله لايحرمنا منك ابد
دمت بكل خير وبركه يارب


رياض الرسل

[ابو ياسر الكعبي]

ابو علي السعيدي

احسنت وابلغت

جزاك الله خير الجزاء

[حميد م]

موفق انشاء الله
جعلك الله ممن تلتقطهم الزهراء يوم القيامة
تحياتي

[سفينة البحار]

موفق لكل خير ايها المبدع
جعل الله ما كتبت في ميزان اعمالك