ياموسى ابن جعفر ماعرفت الغيض
وقيود السجن تدميلك المعصم
بزنزانه العمر خلصته يا مولاي
وعلى نفسك ابد ماجنت تتألم
وشوف شلون كوخك صار كبه وبيت
وهارون ويه قصره كبالك تهدم
اذن انته نجم وادلي المتيهين
وهارون بنذاله وعار يتوسم
وماننسه النعش من عل الجسر خلوه
وبوسطه تنام مقيد مسمم
ومن التمت الناس الك بالتشيع
جن بيت الله انته والحجيج التم
تطوف الناس حولك والدموع ادير
وكلبه من المصيبه بلوعه يتجسم
يبدر الكون انته وكل رجس مابيه
ويا ضي النبوه الابد ماينظم
اذا ضمك سجن شاهك بحقد البيه
من عندك العزه الكون يتعلم
والشاهد الناس التعتني زوار
واتجدد حزنهه والبجي والهم
وعلى جسر الائمه الف عدنه شهود
احيوهه المصيبه بروحهم والدم
ونعشك عل الجسر ذكرونه من نزلوه
ودجله من الاجساد الطاهره تيمم
ياموسى ابن جعفر بينه كومه هموم
وحلوك المنايه علينه تتوحم
البالغربه شاف هناك راحت بال
بس البالوطن من عدهه ما يسلم
ولو نفس السلاله الابا لئمس سموك
يريدون الوطن هل اليوم يتحطم
يظل سالم وطنه بسته معصومين
والرايد يذل الوطن يتوهم
حررنه عقد حبك ويهل البيت
وظل بكلوبنه هذا العقد مبرم
واذا قلت النخوه ياوطن والله
بحزام البطل عباس نتحزم
يامسى ابن جعفر يا هو اليساويك
ومنهو المثل قدرك راح يتقيم
وحبك نبض ظل معانق الشريان
وحبك باقي بينه حب المتيم
ونقشمر نفسنه اذا كلنه بيوم
يتساوه ابن جعفر ويه المعظم
سيد كريم السعبري
أبدع سيد كريم كما تريد
روعة الكلمات وجمالية الصور الشعرية
ووحدة النص المتكامل أعطت للقصيدة جمال آخر
يحفظك الكاظم
العرض المتطور
