|
|
عضو برونزي
|
|
رقم العضوية : 71077
|
|
الإنتساب : Feb 2012
|
|
المشاركات : 595
|
|
بمعدل : 0.13 يوميا
|
|
|
|
|
|
المنتدى :
المنتدى الثقافي
رسالة ... الى قائد الثأر العظيم .... بقلم احمد رفيش
بتاريخ : 27-05-2012 الساعة : 12:42 PM
على الأيام نشكيلك عمر مـــــــــولاي .... من عين المهد دمعتنا مطلعهــــــــا
بزمن دوار بيـــــه مكشر الانيـــــاب .... وهموم الوكت من عنده مرجعهـــــا
ما نســــال ولا نستغرب الحـــــالات .... حتى العين صفك بيها مدمعهــــــــا
شوف انت العمر بيه اشكثر صفنات ..... بخيوط الفجر بالحسرة وزعهـــــــــــا
من حر الشدد بردها نـــــــار البيك .... بسواجي اللوح بيدك حطها وازرعهــا
يالغايب علينه يمتة كلـــــــي اتعود .... الصبر بينه صفحته اليوم كطعهـــــا
بعد ما ضل صبر يمتــــــه ترد ردود..... وصرخة ثار جدك يمته نسمعهـــــــا
مناشير الزمن من تمشي عنه اتعود .... اوهابي اعلن ذبحنه الفكرة شرعهـــــا
مناجل هد علينه وجم نحر مكطــوع ..... ودماء حسين تنزف هذا واقعهــــــــا
قطع عدنة عليها استنكر الانصـــــار .... وشيفيد الحبر بس ورقة نافعهـــــــــا
وتدري انت الضمير من الجمر بركان ..... وبحر النار فايض بينه موقعهــــــــا
بينة العين تنزف للدموع اصــــوات .... الونين اشلون ساكت هذا فاجعهـــــا
اسولف المن اني والكراسي حجـــاب ..... قصيدة وكلي الاعمى اشلون اراجعها
وصوت حسين بالبحرين يا مـــولاي .... الا مــن ناصرٍ . وين الــــي يســــمعها
وبارض الشــــــام فزت للجروح الام ..... مسبية وتنــادي الرايــــة ارفعهـــــا
منتظرين طلعة صبحك بكل يــــوم ..... يالمهدي ومنـــاحـــر دمنه وقعهــــا
خادم اهل البيت عليهم السلام
الاقل
احمد رفيش
|
|
التعديل الأخير تم بواسطة رياض الرسل ; 27-05-2012 الساعة 03:37 PM.
|
|
|
|
|
|
العرض العادي
