[القلب الاسير]

راية هالعمر يا شيعة حب حسين *** وغير حسين خسران الرفع راية
ويضل يزحف عمرنه الكربلة بكل حين *** وسنين العمر ويانة مشاية
@@@@@@@@@@@@@@@@@@@@@@@@@@@@
فجروا فجروا بينه **** لِلْجَنــــة مَشِينه


لبو السجاد نمشي **** لجلة انعوف كلشي


للجنة مَشِينه


من البصرة اجوا والدنية عافوها


ومن ذيقـــار للزهرة يعزوهـــــا


واهل ميسان روس جدام خلوها


وسماوة اعلى المنية **** ويه القادسية


اديهم ابأدينه **** للجنة مَشِينه


دخلنا ارض النجف بارواح ملهوفة


بشعار حسين درب حسين منعوفة


وحك عين الكمر عباس وجفوفـــة


نموت بدربة احنة **** صراط الدين انه


وباب العرش دينه **** للجنة مَشِينه


تتلاكة اعلى دربة وجوه من نورة


مجنونة اعلى حب حسين واتزورة


هناك بكربلة كْتاب الله واسطورة


كل الكون يمة **** يواسي الزهرة امة


بعشك حبة اجينه **** للجنة مَشِينه


جفنه للكمر يتعنه بدموعـــــــة


حرام انكول منه جفوفة مكطوعة


مناير ذني عند حسين مرفوعـة


نحنيها بدمعنة **** يسجل اسماء انه


وللكوثر هوينه **** لِلْجَنــــة مَشِينه


عرش ربك يشيعي حسين قرءانه


وكل هذا العمر متبني عنوانـــه


يفجرونة تكمل الروح ممشانـــــه


ونطش بدربة ارواح **** حب حسين الجناح


وعلى اشواكة علينه **** للجنة مَشِينه


مشينة اعلى الجدم عالراس رايتنه


جنوب وي الشمال بكل محبتنــــه


عراق حسين هذا وهو طينتنــــــه


واحنة بحبة عشاكَـ **** نموت بدرب الأشواكَـ


نموت يعيش بينه **** للجنة مَشِينه


وهابية البعث يا شيعة معروفة


مثل ذاك اللعين ايزيد وسيوفة


معروفة الحقائق كلها مكشوفة


يفجرونة بحقدهم .... من قل نكثر الهم


والسستاني لَينه ..... للجنة مَشِينه


نتحـدا المنية ونعبر الكلفـــــات


والمات اعلى دربة اتخلد ومامات


وبدمنه نخط الذلة لا هيهــــات


تحررنا بجهادة .... وقيادتنا الشهادة


وللثورة هوينه .... للجنة مَشِينه


*************************


خادم اهل البيت عليهم السلام


أحمد رفيش

[قاسم حتروش]

راية هالعمر يا شيعة حب حسين *** وغير حسين خسران الرفع راية
ويضل يزحف عمرنه الكربلة بكل حين *** وسنين العمر ويانة مشاية

السلام على الحسين
السلام على علي بن الحسين
السلام على أولاد الحسين
السلام على أنصار الحسين
أحسنت وبارك الله فيك
حشرك الله مع من تحب

[درر علي]

الله الله
لبيك ياحسين
ابدع قلمك والله
شكرا للانتقاء الرائع

[ابوتكتم الخير]

راية هالعمر يا شيعة حب حسين *** وغير حسين خسران الرفع راية
ويضل يزحف عمرنه الكربلة بكل حين *** وسنين العمر ويانة مشاية
المبدع أحمد رفيش الشاعر
الروعة والأبداع جعلتها تتكلم
فنسجت صورة الأبداع في الومضة
والمحبة والتمسك بالحسين في القصيدة
موفق

[القلب الاسير]

الاخ الفاضل
قاسم حتروش
نورت صفحتي اخي العزيز
جزيل شكري وتقديري
تقبل تحياتي
الاقل
احمد رفيش

[القلب الاسير]

درر علي
جزيل شكري ومناي لمروركم العذب
تقبلوا تحياتي وفائق شكري وتقديري
الاقل
احمد رفيش

[القلب الاسير]

ابو تكتم الخير
اليك ودي مبعوث على اجنحة الشوق
فغاص بحار شكري بكون تقديري ايها الاخ الفاضل
لك فائق مناي
الاقل
احمد رفيش

[سفينة البحار]

الكبير احمد رفيش
ثبت الله اقدامكم على طريق حب وولاية اهل البيت ( عليهم السلام )
لوحة بلون عراق الحسين
وورود حب جمعها طريق العشق الابدي
فكانت احلى شدة ورد
دام فيك هذا الابداع والتالق
تحيــــــــــــــــــــــاتي

[القلب الاسير]

سفينة البحار
تالقت بكم وسرى الابداع اليكم
فانا لست الا مقتبس من ابداعاتكم
جزيل شكري وتقديري
لمرورك العذب
تقبل تحياتي وتقديري
الاقل
احمد رفيش