[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

حامـــــــــــــي الدخيــــــــــــل ( قصيدة كعده )
ــــــــــــــــــــــــــــــــــــــــــــــــــ ـــــــــــــــــــــ
ملاحظه : هذه القصيده يمكن قراءتها بنفس طور قصيده ( يمه ذكريني من تمر زفة شباب ) التي قرأها المرحوم حمزه الزغير
ــــــــ
المستهـــــــــــــــــــــل
ــــــــــــــــــــــــــــــــــــــ
من جَرَه دمّه وإنتصر حامي الدخيل == ظلــــّتْ الدنيه بالحزن ﺗﺒﭽي إبعويل
زينب تنادي == راح واليها
والوصي ودّع وأعلن اليوم الرحيل == من جَرَه دمّه وإنتصر حامي الدخيل
ــــــــــــــــــــــــــــــــــــــ
النـــــــــــــــــص
ــــــــــــــــــــــــــــــــ
من نزل سيف المُرادي وإنطبُر حامي الحميّه
نزلتْ إلأملاك تهتف راح أبو النفس الأبيه
غاب راعيها العداله ما بعد من عنده جيّه
رجعتْ نجوم إلبلسمــــــه == غاب اﻟﮔمر صابه العمه
نصبتْ مآتـــــــــم فاطمه == بالسمه الزهره الزﭽيه
وإنصدع ﮔلبه عالوصي أحمد حزين == هامتـه التنزف ما نصتْ يوم الطعين
نادى المُنادي == فاز تاليها
والوصي ودّع وأعلن اليوم الرحيل == من جَرَه دمّه وإنتصر حامي الدخيل
ـــــــــــــــ
من فجيعة حيدره ظل الألم يسري إبفؤادي
مو علي الكرار حُبّي إو منهلي من ﻋﺷﮔه زادي
والولي هُوَّ هويتي إو شافعي ساعة معادي
ينطيني صكّي المرتضــــه == ما شوف أبد نار اللظه
وإتنال أعمالي الرضه == حيدره هـــــــُوَّ إعتمادي
حيدره الوالي ملجأ العاﺷﮓ يجير == ما يظل حاير عاﺷﮔـــه يوم المصير
جمرة فؤاده == ماي يرويها
والوصي ودّع وأعلن اليوم الرحيل == من جَـــرَه دمّه وإنتصر حامي الدخيل
ـــــــــــ
هذا أبو الحسنيين حمّاي الحمه فرحان حاله
أنطبُر راسه إبسجوده المرتضه راعي العداله
وإرتفع صوته فزتْ بيها الشهاده ياجماله
صوت الولي هز السِمَه == محرابــــه ﻳﺒﭽــــي إو بالظِمَه
من شاف جريان الدِمَه == والغدر مذمـــــــــــــــوم ناله
بالغدر دامي راس أبو الحمله الجريح == للنصـــر ظامي فايز إبهاي إو يصيح
دم إو شهاده == نور يمليها
والوصي ودّع وأعلن اليوم الرحيل == من جَـــرَه دمّه وإنتصر حامي الدخيل
ـــــــــــــ
ريت ويّه الهاشميه من وصل ناعي الأمامه
زينب الحرّه إو نواسيها إبحزن يهل الشهامه
راح واليها العقيله إو خيّم الليل إو ظلامه
هاذي اليتيمه الطاهره == ﻓﮔــــــدتْ أبوها إو حايره
دنياها صعبه إو جايره == واﻟﮔلـــــــــب ظل إبهيامه
ظلّتْ إبعبره بت علي تجري إو تسيل == ﻓﮔــــــدتْ الحامي والأخو صار الكفيل
هم إو مآسي == هَلْ تمر بيها
والوصي ودّع وأعلن اليوم الرحيـــل == من جَـــرَه دمّه وإنتصر حامي الدخيل
ــــــــــــ
غَيّمَتْ كُل السمه من شافتْ الدم من جبينه
ينضح إو صاح المُنادي قتلوا الدين إبعرينه
وإبسجوده المرتضه نال الشهاده يانبينه
محرابه ظل إبمحنتـــــــه == من شاف حيدر ضربته
إيد النذاله النالته == والحزن خيّم علينه
صاح المُنادي ياعلي نلتْ التريد == هامتـك نزفتْ واﻟﮔلب أصبح سعيد
حب إو كرامه == نال حاميها
والوصي ودّع وأعلن اليوم الرحيـــل == من جَـــرَه دمّه وإنتصر حامي الدخيل
ـــــــــ
ياشهر رمضان بيك الطاهره الزهره الزﭽيه
إنملتْ حسرات من بتها العقيله الهاشميه
ظلّت إبحيره اليتيمه من بعد حامي الحميه
لاهب ﮔلبها فاطمه == زينب وحيده إو عالمه
بيها يمر سيل الظمه == والألم بالغاضريـــــــــــــــــــــه
لا أبو العدها لا أخو اليِرْعَه العيال == صــــارت إبعزها والصبر زينب مثال
عزّه إو مهابه == من علي البيها
والوصي ودّع وأعلن اليوم الرحيـــل == من جَـــرَه دمّه وإنتصر حامي الدخيل
ــــــــــــــــــــــــــــــــــــــــــــــــــ ــــــــــــــــــــــ
مع تحيات شاعر اهل البيت / جابر النجفي
اسمعوا القصيده على هذا الرابط
http://www.wlidk.net/dldtgc64027.mp3.html