[عدنان منعم]

وي حسين نون هاليله. للصادق من دم نبجيله
مات الصادق.مات الصادق
.............................................
مصابك هدم احوالي.ونيني علــــــــيك مايكطع
تظل دمعة حزن مولاي.وبس حبــــك تره ينفع
عايفنه يالب الروح.وخلي الماســـــــــــع يسمع
هوه صرح العلم مولاي.لجن بسمك علم نرفع
ياويله الظالم ياويله.للصادق من دم نبجيله
...........................................
يادمعة حزن بالعين.يالمظـــــــــــلوم يالصادق
من عمرك صغت منهج.ودومك بالعــدل ناطق
المذهب بسمك تسمه.ودومك عل خصـــم فائق
يااروع مثل مولاي.بتفكــــــــــيرالدهر عالق
نجريله المدمع نجريله.للصادق من دم نبجيله
..........................................
مسموم وطحت ياحيد.لخصمك ماردت تخضع
مثل جدك ابو السجاد.من دمك نهــــــــج تصنع
شوصفك ياصرح عالي.من كل الوصف ارفع
تبقى قدوة المذهب. وخلي الماســــــــمع يسمع
والكاظم لجله انهد حيله.للصادق من دم نبجيله
ساكن بالنبــــــض بالعــــين.وتــسري دوم بدمانه
علمنه ياعمــــــــــاد الدين.ونحســــــك دوم ويانه
الملائك ونت وناحــــــت. وهيـــــه ويانه حزنانه
ويم صــــــــــرحك وعد مولاي.نقيم العزه تلكانه
نفديله المنحر نفديله.للصادق من دم نبجيله
....................................
لاترحل يبو الكاظم.يتامه وننـــــــــــــطر خيالك
من صدري طلع كلبي .وكام بلوعه ينــــــــعالك
المذهب بس حزن بعدك.ودمعة بحيره تبـــرالك
عفتنه ومابعد رجعه.وحتـــــــــــما غايب هلالك
لوعات الصارت احجيله.وللصادق من دم نبجيله
...........................................
وداع ومااله رجعه.ونواســــــــــــــي امك الزهره
نبجي عليك عالعباس .لو عالمنــــــــــــكطع نحره
عزه وبعدك حزن وهموم.وصارت بالكلب جمره
واشد موقف يابو الكاظم.حسين وذبحــته وصدره
من تراب حسين انخليله.وللصادق من دم نبجيله
...........................................
خادم الحسين.عدنان منعم

[مصحح المسار]

ذكرى وفاة الصادق عليه السلام