بالأربعة ضحيت ....... بالغاضريه
سالم يرد ضنيت ...... حسين إليه
********
آنه من الزلم عندي .... أربعه بالغاضريه
بدوروتنور سمانه ....... والنعم من الهاشميه
أربعتهم ضوه عيوني ..... إنذرتهم للزجيه
الرايه عد راعي الفضل
عباس والزينب كفل
تدرون بالطف من نزل ... زلزل الأرض بآل إميه
الجافل يهز الكاع ..... بالغاضريه
سالم يرد ضنيت ...... حسين إليه
************
يمه آنه من أوصيهم .... هذا إبن فاطمه الزهره
وطاعة الأمام واجب ..... رسخت هذي الفكره
وباجر إتخونه الكوفه .... وأنتويمه حزام ظهره
ربيتكم لهذا الوكت
وبرباكم انه اتعبت
تراوني ارباكم ردت ... بالوفه لخامس العتره
يمه ونكر عيناج ... بالغاضريه
سالم يرد ضنيت ...... حسين إليه
************
يمه آنه رباي اريده ... منكم بهاي الظروف
من يظل حسين وحده ... حاير بارض الطفوف
اكلبو ارض الغاضريه ... وخلو الكوفه تشوف
انتو البدور الساطعه
باجر جثثكم مكطعه
بالمعركه وعل المشرعه ... منكم الروس وجفوف
عين وعلم وجفوف ..... بالغاضريه
سالم يرد ضنيت ...... حسين إليه
***************
والله اولادي النشامه ... وكفو ويه حسين وكفه
هذا ابو فاضل يكلهم ... ارد ازفكم فرد زفه
نحقق لامنه وصيه ... وبدمانه نروي طفه
كالت اريد بكربله
هل الأربعه فدوه اله
بس سالم حسين وهله ... كلبي انه بهاي يشفه
وعيني تشوف حسين .. بالغاضريه
سالم يرد ضنيت ...... حسين إليه
*************
ردت من الغاضريه ... زينب ويحدي الحادي
يهل يثرب يامصيبه ... ذبحو ابن النبي الهادي
وجسمه ظل بالغاضريه ... وعل الرمح راسه ينادي
كسرو اضلوع صدري
وسحكو بالخيل ظهري
وعل الأرض ادماي تجري... وذبحو بالطف اولادي
حركو خيم واطفال ... بالغضريه
سالم يرد ضنيت ...... حسين إليه
**************************
قاسم طاهر القاسمي
بالأربعة ضحيت ....... بالغاضريه
العرض العادي
