بسم الله الرحمن الرحيم
اللهم صل على محمد وآل محمد وعجل فرجهم
إبوذيات في يوم إبن جعفر
ــــــــــــــــــــــــــــــــــــــــــــــــــ ــــــــ
يريت أكنس صحن موسى وحـِل بيه == كـُل مَنْ يــِبــْغـَضـَه گلبه وَحــَل بيه
يقينه مو عدل مايل وَحـَل بيه == ما يشفع إلــَه إبن الزچيـــّه
ـــــ
للكاظــــــم إبــــن جعفر يميني == تظل مرفوعه والثابت يميني
لــَوَن أفدي يساري إو هـَم يميني == ما إوفيــــه إبن حامي الحميـــّه
ـــــ
ما نوفيه موسى الخير مـَرّه == شـاف الضيم والأيــّام مــُرّه
يحل بالكاظميــّه النـــــــــور مــُرّه == زوره إو إطلب الحاجه العـــَصيـّه
ــــ
زوره إو إطلب الحاجــــات مــِنــّه == ولا واحد يـــِحـَمـْلـَك راح مــِنـّه
مــَنْ بيه العلي الديـــّان مـــِنــّه == إبـــــن أحمد طبيب الجعفريـــّه
ـــــ
إبن أحمد عظيم الخير والجــاه == إدخل للمضيف إبشوگ والجاه
يرحــّب موسى بالخطــّار والجاه == يـــرد مسرور يمحيله الأذيـــّه
ـــ
يرد مسرور مــَنْ يگصد ولينه == معـــروف إبصبر روحه ولينه
لأن حــُبـّه إنشتل بينـه إن ( ولينه ) == عشگ موسى خلاص إمن الرديــّه
ــــــــ
عشگ موسى يشافي الروح مــَرْهـَم == إذا ما زور صرحـــــــه دوم مــَرْهـَم
يشيعي العــُترة المـُختار مــُرهم == ولاتنســــــــــــاه نور الكاظميــّه
ـــــ
لاتنساه موسى الفاض ســَدّه == أبـــد ما يگدر المذموم ســَدّه
هرش خيره كــُبر عالناس ســَدّه == وإمتــــد عالمــُحب معروف فيـــّه
ــــ
إمتد عالمــُحب نوره وفضلـه == إذا عندك طلب زوره وَفــِضـْلـَه
نهر تلگـــاه ما يوگف وَفضلـه == يسگــي الگاصد العطشان مــَيــّه
ــــــــــــــــــــــــــــــــــــــــــــــــــ ـــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldtt535459.mp3.html
إبوذيات في يوم إبن جعفر
العرض العادي
