[عدنان منعم]

للجواد ابعث سلامي .. واجمل احروفي وكلامي
ياامامي .. ياامامي.. يالجواد
يابدر بغــــــــداد يانور الوجــــود
شمانغادر حـــــضرتك لازم نعود
وعلا بابك تنـــــــحني كل الورود
واحنه الك ياوالي خطينه العــــهود
الك ياوالي غرامي ..واجمل احروفي وكلامي .. ياامامي
تاسع الاقمار من نسل الحــــــسين
ياجواد الدين نور اعلا الســــــنين
انته تفسيـــــــر الشرايع وانته دين
وانته ياوالي دليل الحــــــــــائرين
تبقى مولاي وامامي ..واجمل احروفي وكلامي .. ياامامي
انته ابوك الرضــــــا ونعم الامام
سلسه حق وعلــــــــت فوك الغمام
بس اسمكم يرعب اعروش الظلام
من محمــــــــــد نبع طاهر ياكرام
بيكم مرتب نظامي ..واجمل احروفي وكلامي .. ياامامي



فرض حبك ابد مايصبـــــــح عناد
يكفي اسمك ســـــــــــيدي انته الجواد
تشهد بعلمك تره الســــــــــبعه الشداد
يااصل كل المفاخر والجــــــــــــــهاد
انتخي واشهر حسامي ..واجمل احروفي وكلامي .. ياامامي
يفتخر كل العراق بحــــــــــــــظرتك
تركع الدنيه وتذل يم عـــــــــــــــتبتك
والله خسرانه يوالي العـــــــــــــادتك
انته ابن المـــــــــــــصطفى وشظنتك
وانه بالعتره هيامي ..واجمل احروفي وكلامي .. ياامامي
نطوفك بكل وكت نشـــــــعر بالامان
وانته يوم الواقــــــعه النـــــــه الامان
بنص ضريحك واحنه نشعر بالحنان
وبس محبــــــــتك سيدي هيه الظمان
محبتك هيه وسامي ..واجمل احروفي وكلامي .. ياامامي


خادم الحسين .. عدنان منعم