صبح وجه الحسين

احمد العراقي · بتاريخ : 09-08-2008 الساعة : 03:24 AM

نهنيء مولانا بقية الله الاعظم ارواحنا لتراب اقدامه الفداء بذكرى مولد الامام ابي عبد الله الحسين عليه افضل الصلاة والسلام

همس ليل القوافي لشمس الحروف
وطوى احزانه القديمة ابثغر مسرور

لبس حلة انجومه و للگمر صاح
اخذ افقي اعله كيفك وانت بيه دور

لان شجرة محمد هزها جبريل
وحوى اثمار الحسين ابسلة النور

لذلك لم جراحه وطرگ النوح
شبگ بالفرح شعره الجان مستور

مسح لون الظلام ابنور الحسين
عزف لحن القوافي وناغم الحور

رسم لوحة اعله خد باب السماوات
وكشف احساس جامح جان مضمور

اخذ من طيب طوبى وعطر الكون
وفرش درب الولادة بازهى الـ ازهور

اعله عتبة باب حيدر صار خجلان
خايف ما عمل بيه بيّن اقصور

ما گدرت تشيله ابفرحته الكاع
تجنن واليجنه احسين معذور

على اضفاف السنين او هو بس ليل
جفن خاوه السهر وامتاني ناطور

يمره اشگد صبح بس ماهو رغّاب
يضم ليل اعله ليله وعمره معگور

جرع مرّ الزمان لخاطر ايشوف
صبح وجه الحسين ابطلعته اينور

احمد العتابي
العراقي

عاشقة النجف · بتاريخ : 09-08-2008 الساعة : 03:39 AM

اخي الكريم والشاعر ذو الحرف الولائي
سلمت اناملك على ماتدونه من كلمات متألقه في حب الاطهار من ال محمد
عندما تتغنى الحروف بعشقهم
تهيم الكلمات وتسكر بكأس الهوى
لك خالص التقدير والاحترام,,
ولاتحرمنا من جديدك اخي ..
نرتقب الاتي

لبيك داعي الله · اقتباس :

اقتباس :

تجنن واليجنه احسين معذور

الله الله شعر في قمة قمة الروعه

تعجز الكلمات عن التعبير عن مدى الاعجاب بما خطته اناملك الولائيه

نتمنى المزيد المزيد

وفقك الله

فاطمة ام ابيها · بتاريخ : 14-08-2008 الساعة : 12:35 PM

مشكورين

يعطيكم العافية

تحياتي :فاطمة ام ابيها

احمد العراقي · بتاريخ : 15-08-2008 الساعة : 03:40 PM

السلام عليكم
اخواتي الفاضلات
شكرا جزيلا لكن على مروركن العطر وتواجدكن المبارك
بارك الله تعالى بكن ووفقكن لكل خير
وعليكم السلام

نور المستوحشين · بتاريخ : 18-08-2008 الساعة : 04:14 AM

السلام على الحسين وعلى علي ابن الحسين وعلى اولاد الحسين وعلى

انصار الحسين ....

هنيئا لكم تلك القريحة الولائية اخي الكريم ...

بانتظار المزيد من ابداعكم اخي الكريم

تحياتي نور...