اللهم صلي على محمد وال محمد وعجل فرجهم واهلك اعدائهم
مبارك عليكم ذكرى ميلاد قائم ال محمد
الامام المهدي عجل الله فرجه وسهل مخرجه...
..(( الجزء العاشر))..
الجزء العاشر ..
أخذ حيدر الدفتر وقرأه ...
حيدر قرأ الورقه المفتوحه ورجعه مكانه حق لايعرف انها قرأته
راح لغرفته .. مسك الجوال وضغط على رقم فيصل
بس قبل مايرن سكره ..
حس ان هذا شي خاص بينهم وماله داعي يتدخل أكثر ..
بيسكت عنهم فتره وتالي بيكلم ريحانه ...
أول يوم بالجامعه ...
ريحانه: بس هذا اللي قاله ؟؟
ندى شوي وتبكي: ايه ومشى
ريحانه: اخوانك الحين سالوا عنه
ندى: مدري
قاطعهم جية شوق ودانه
دانه: اهلين ندى
ندى: ياهلا
دانه: كيف حالك
ندى: بخير الحمد لله
شوق: ندى وشفيك كانك تعبانه او مونايمه
ندى << تصرف الموضوع: مانمت الا متأخر
وقعدوا البنات يسولفوا لان الجامعه كالعاده اول اسبوع ماعندهم شي بس يستلموا الجدول والكتب
يوم السبت مشى ... لاجديد .. ندى على حالها ... ريحانه على حالها ... فيصل على حاله ...
الاحد ..
كان ابو سعد ببيت اولاده
بس ندى ولؤي اللي كانوا موجودين
أبو سعد: تجهزي العقد والعرس بليله وحده بعيد الفطر يعني عندك شهر وشوي ... ورمى عليها 20 ألف
وهذا المهر خذيه
ندى بخوف: ان شاء الله
طلع من الباب وندى رمت حالها بحضن اخوها
لؤي: خلاص ندى احنا سالنا عن الرجال مافيه شي
ندى وهي تصيح: وليش يرميني عليه كذا
لؤي: ابوك وعارفته اكيد له مصلحه باللي صاير
دخل عليهم سعد وعرف بالسالفه وسيده لبيت ابوه
أبو سعد: وانت شدخلك البنت موافقه
سعد: وشو موافقه وكيف انت ترضى لبنتك كذا بيوم واحد ماتعرفه ولايعرفها تحدد العرس متى طيب خلها فتره عقد على الاقل
أبو سعد: مافيه لا عقد ولاغيره وانت اسكت ولا لك دخل
سعد: يعني اذا بنتك ماتشتكي احنا مانحس بها ماتراعي مشاعرها
أبو سعد: انقلع برى وانت مالك خص زين وان تراجعت اختك ماتلوم الا نفسك
أما ببيت أبو محمد
بالصاله ..
ريم: يالله عاد محمد ودني
محمد: ملاان اقعد ادور معاك
ريم: خل شوق تجي معنا ندور واذا خلصنا نتصل لك
محمد:سألي شوق اذا تبي تروح
شوق وهي داخله ومعها كوب الشاي : على ايش تسالني
ريم: هههههه حشى ذكرنا القط جا ينط
محمد وهو ياخذ الكوب: خخ قولي المؤمن عند ذكره
ريم: شوقو تبين تروحي السوق رجلك موراضي
شوق: ههههه خلاص موراضي مابي اروح
ريم: لااا انا امبي اروح اشتري لي ثياب
شوق: محمد ليش موراضي
محمد وهو يرتشف الشاي: ملان ادور
شوق: طيب خلننا ندور وتالي ارجع لنا
محمد: كم بتاخذوا
ريم: امممم من بعد صلاة المغرب وتعال لنا 11 او12
محمد: هااااا مافيه
ريم بخيبه امل: ليش
محمد: وااااااجد بتمهلوا ماقدر اعيش بدونكم انا
ريم: هههههههههههه اقول لاتسوي حالك خل الضمير مفرد احسن
محمد: خخخخ وانتي قلتيها موصح شوق
شوق: خلنا نروح مو واجد من 7 الى 11
محمد: اول شي ريم تحب راسي واوديكم
ريم: لاااا والله بقول لابوي ترا
شوق ومحمد: هههههههههههههه
ريم: وهاذي الاخت ليش ماتخليها
محمد: لا هاذي الاخت على قولتك ماتحب بالراس وتحبني متى ماابي
احمر وجه شوق وفلصت يد محمد اللي كانت جنبها
محمد: ااااااااااي
ريم: هههههههههه زين تسوي فيك
محمد: أي اتفقتي معها الحين خلاص سوق مافيه
شوق: لا لا خلاص نبي السوق
محمد: ومن بيحبني
ريم: خخخ زوجتك
محمد: هي على خد وانتي الخد الثاني
شوق قامت وباسته وريم قلدتها
محمد: هههههههههههههههه خوش بنات يطاوعوا الساعه سبع وربع انا عند الباب واللي مابيجي بمشي عنه
ريم: ماتقدر تمشي عنا
محمد: هههههه نشوف
أما ببيت أبو كمال ...
سحر: اففف ملل كمال عندكم رقم بيت عمي ابو حيدر صح
كمال: عند كميل
سحر: وكميل وينه
كمال: مادري يمكن بالكمبيوتر
قامت راحت له واخذت الرقم واتصلت
سحر: الو السلام عليكم
أم حيدر: وعليكم السلام
سحر: كيف الحال عمه انا سحر
أم حيدر: ياهلا غناتي الحمد لله شخباركم انتو
سحر: بخير
أم حيدر: عسى ماشر
سحر: لا مافيه شي بس بغيت اكلم ريحانه
أم حيدر: دقيقه بس
ريحانه: يااااااهلا سحر
سحر: اهلين شخبارك
ريحانه: تمام
سحر: شخبار الجامعه
ريحانه: خخ ولاشي رحنا اول يوم اخذنا الجدول وبكره بناخذ الكتب والدراسه اسبوع الجاي
سحر: مرتاحين مواحنا من هاذي الاربعاء امتحانات
ريحانه: هههههههههه حشى مامداكم
سحر: والله زهق كل شي زهق بس متى اجي عندكم
ريحانه: سنه وتعدي مشيتي الحين كم سنه باقي سنه
سحر: ازهق هنا لحالي وامي كله معها هالصاحبات اللي يلوعوا شبدي همهم ثيابهم ومكياجهم وبنتاهم نسختهم المصغره
ريحانه: ههههههههههههههههههههههههههههه الله يغربل ابليسك طيب وصاحباتك بالمدرسه
سحر: علاقتي معهم موقويه مره زماله وبس
ريحانه: اممم عندك ايميل
سحر: أي عندي
ريحانه: عطيني اياه خل اضيفك
سحر بفرح : ....... @ hotmail.com
الساعه 11
بالسوق ...
ريم: خلص اتصلي لمحمد
شوق: طيب خل نقعد على الكراسي تعبت
بعد عشردقائق ..
شوق: يالله محمد جاا
راحوا للسياره
ريم: متكسره وجوعااااااانه
محمد: ههههههههههه والمطلوب
ريم: اقول محمد مدام بكره بنروح الجامعه وبنبدا الدراسه جد ودنا المطعم
محمد: شوق تبين مطعم
ريم: هييي انا اللي اتكلم مو شوق
شوق: ههههههه أي حتى انا جوعانه
محمد: تااامريشوقي
ريم: لحووول قعدت انا الحين مع المخابيل الله يعين
محمد وشوق يضحكوا عليها
محمد: اذا موعاجبك نقدر نوديك بالمطعم بطاوله منفرده
شوق: هههههههههههههه وش رايك
ريم: لا والله يقولوا خبله قاعده بحالها بقسم العائلات
<<< وكملوا هواشهم ومزحهم للمطعم
أما ببيت ابو حيدر...
كانت ريحانه بغرفتها ..
أتصل له ؟؟ بس اكيد معصب فيني !!
كانت في دوامه افكارها ندمت على كل التطنيش اللي كانت تسويه بس كيف تنهي المشكله .؟؟
سحبت جواله من الكومدينه واتصلت له
يرن يرن بلا مجيب
قامت تبكي ليه يسوي فيني كذاا عارفه استاهل بس والله انا نادمه
كتبت له رساله ..
((
"أبعــــــــــــــتذر"
وإرسل مع الشوق عذري!
ياللي مكانك بين عيني وقلبي. أنا
مقصر
والظروف اجبرتني!
وأبيك تقبل إعتذاريوظرفي؟والله
ماني
مهملك في حياتي!
لكن حياتي كلها أتعبتني ))
انتظرت ربع ساعه وهي تبكي ... لا يوجد رد
..
<<<
بنفس الوقت كان فيصل بالحمام يسبح وطلع شاف جواله يرن جايته رساله
شاف اتصالها مرتين وقرأ الرسالة
ابتسم بفرح .. ماصدق .. شوي ويصيح من الفرح .. لكنه مارد عليها ..
كان يبيها تحس باللي هو عاناه منها ..
حط المنبه ونام أحلى نومه << خخخ فاضي صح!!:p
أما ريحانه انتظرت مده فتحت النت يمكن تشوف ندى لكنها موشابكه
مسحت دموعها ونزلت اتصلت لها .. ماترفع .. غريبه !!! ماتتوقعها نامت ..!
راحت تحاول تنام لكنها مانامت
كانت تعبانه نفسيا وجسدياً ...
يوم الاثنين الصبح بالجامعه بعد مااستلموا الكتب...
ندى بعد ماانفردت بريحانه: ابوي جا امس ويقول ان العرس مع العقد بعد عيد الفطر
ريحانه: كيف ؟؟؟؟ مايحس هذا؟؟؟؟؟؟؟؟؟
ندى: آه لاتزيدي همي انا ماققدر اتكلم بس شكله سعد كلم ابوي لان من درى طلع ورجع معصب
ريحانه: وشو بتسوي
ندى: مااقدر اسوي شي
ريحانه: خل نقعد هنا ظهري وبطني يألموني << عارفين بنات أعراض ايش مايحتاج اكتب ;)
ريحانه بعد ماقعدوا: كيف يعني ماتقدري مو اخوانك قالوا بيسألوا عنه ومادري شو
ندى: لؤي يقول انه سأل عنه
ريحانه: وشو قال
ندى: يقول الرجال زين
ريحانه: آآخ كل واحد وهمه
ندى: صحيح موقلتي بتتصلي على فيصل
ريحانه: الا اتصلت له ورسلت
ندى: رد
ريحانه باسف: لاا
ندى: اووف شكله موصل حده يعني
ريحانه: خل نقوم مع البنات احسن ...
ندى: يالله
قعدوا مع البنات شوي
أما ريحانه تعبت زيادة اتصلت لحيدر يوديها البيت لان ماعندهم شي بالجامعه الا اسبوع الجاي
بمكتب العمل ..
أخذ حيدر مفاتيح السيارة
الا والباب ينطق
حيدر: تفضل
فيصل: ياهلا ولد العم
حيدر بابتسامه : اهلين شخبارك
فيصل: تمام التمام وين رايح
حيدر: باخذ ريحانه من الجامعه
فيصل: صحيح ؟؟
حيدر: ههههههه أي شفيك
فيصل: الله يخليك عطني المفتاح انا امبي اروح لها
حيدر باستغراب: ليش ؟؟
فيصل: ممكن صدقني مابنسى لك هاذي بحياتي
حيدر ومازال مستغرب: طيب وليش ماتروح بسيارتك
فيصل: مو انت قلت لها بتجيها يعني بتدور سيارتك خذ مفتاحي حق اذا احتجت السياره
تبادلوا المفاتيح وحيدر مازال مستغرب !!!
أما فيصل طيران للسياره .. مر على محل ورود قريب واشترى لها باقة ورد جوري احمر وابيض ورش عليه من عطره << حركات ها خخخخ
وراح على طريق الجامعه ...
أما بالجامعه ..
شوق: امبي انام عيوني بتسكر
ريحانه: هههههه تعالي معي نوصلك
شوق:لا مابروح بتصل لمحمد اذا يقدر
دانه: خخخخ مدام السالفه فيها محمد غسلي ايدك ريحانه
شوق: هههههه انا رايحه اتصل
راحت تتصل على محمد واللي كان عند حيدر لانه العمل قليل عندهم اليوم وخلصوا
محمد: ياهلا بالغلا كله
شوق: اهلين حبيبي كيفك
محمد: تعباااااااااان
شوق بخوف: وش فيك محمد
محمد: الدكتور يقول حالتي صعبه
شوق: محمــــــــد وش صاير خوفتني
حيدر كان يتسمع له وهو ميت من الضحك
محمد: قلبي يعورني
شوق << مااستوعبت بعد انه مقلب : رحت للدكتور؟؟
محمد: ههههههههههه وشفيك شوقوو مشتاق لك انا
شوق: هههههههههههههههه خوفتني الله يغربلك
محمد: دوم هالضحكه قلبوو بغيتي شي
شوق: كنت بقول لك اذا تقدر تمرني ماعندنا شي والبنات بدأو يطلعوا حتى حيدر خويك جاي لاخته الحين قلت اروح انام بدل القعده
محمد: هالشايب هاهو جنبي ماطلع لاخته
شوق: خخ اكيد انت اللي معطله
حيدر: هيه انتو وشو تحشو فيني
محمد: تقول مفروض انك الحين بالجامعه تاخذ اختك
حيدر: لا فيصل راح لها قال يبي يروح لها
محمد: اهااا سمعتي شوق موبس انا مشتاق
حيدر: تعال انت ياصاحب الشايب قول لها لاتقول لريحانه شكله فيصل مايبيها تعرف
محمد: اوكي يالله انا طالع
حيدر: الله معك
بعد عشر دقايق جاتهم شوق
ندى: شووقوو كل هذا تقولي له تعال
ريحانه تجاريها: ههههههههههههههه كانت تقولها بالبطيئ وتوها مخلصه
شوق: ههههههه غربل الله ابليسكم ماتخلوا الواحد يتهنى دقيقه بالبيت ريمو وانتو هنا
دانه: هههههههههه عقبال مانفرح فيكم كلكم
تغير وجه ريحانه...
ريحانه: انا بروح عند البوابه الحين مفروض يوصل
شوق: انا بروح معك
بالطريق كانت شوق حابه تسال ريحانه عن علاقتها مع زوجها
شوق: ريحانه
انتبت من سرحانها: هاا
شوق: كيفك مع فيصل الحين
ريحانه تحاول تتهرب بعيونها: بخير
شوق: متى اخر مره شفتيه
سكتت ريحانه
شوق: انتي ماتكلميه ؟؟
ريحانه بانفعال وعينها امتلت دموع : والله انا نادمه بس هو مايرفع انا غلطت عليه بس مويسوي كذا
شوق: هدي طيب وشوصاير
ريحانه طلعت كل اللي بقلبها وقالت لها كل اللي صار
شوق كانت حاسه باللي حاسه به لكن ماتبي تخرب مفاجاة فيصل
وهم يتكلموا رن جوال ريحانه
حيدر: ياهلا ريحانه
ريحانه: اهلين
حيدر: يالله اطلعي بره وقولي لشوق بعد محمد جاها << حق لاتحس بأن حيدر مو اللي جايها
ريحانه: طيب طالعين
طلعت شوق مع ريحانه ...
ريحانه شافت السياره وراحت لها بتقطع الشارع
ومرت سياره مسرعه يقودها شاب شكله سكران وصقعها ومشي.......
طاحت ريحانه كانت الصدمة مو كامله يعني كانت قريب تقطع الشارع وصاد رجلها بس
لكنها طاحت ...
انتبه لها فيصل وراح يركض لها
رفعها من الشارع كان الشارع مافيه الا هو ومحمد
وصلت شوق وهي تصرخ على ريحانه
محمد انتبه لهم جاب غرشه ماي بارده وعطاها فيصل
فتح وجهها كانت مغمى عليها كت عليها الماي لحد مااوتعت شوي وشربها اياه
حملها وراح بها لأقرب مستشفى ...
نخلي ريحانه تتكلم شوي ...
لما صدمتني السيارة جات الضربه على رجلي لكنها موقويه لكن حسيت بأن الدم ينزل وشوي ماحسيت الا بماء على وجهي فتحت عيني بصعوبه كان قدامي فيصل !! مستحيل هذا فيصل اكيد انا اتوهم من التعب ماقدرت افتح اكثر غمضت عيني ومادريت باللي صاير حولي ....
فيصل وصل المستشفى واخذوها على طول لغرف الطوارئ وهو راح للاستقبال حق امور السجل
وماعرف هي بأي غرفه كانت فيه ثلاث غرف وحده منهم فاضيه وبقى ثنتين مايدري هي باي وحده !!
وهو رايح جاي عليها له نصف ساعه يدور ماقعد
يدعي لها واتصل له محمد ثلاث مرات لكن كالعاده لاجديد
وهو يدور جات قدامه ممرضتين انجليزيتين
<< بعد الترجمه خخخ
الاولى: هذا صعب على اهلها فقدها فهي مازالت شابه
الثانيه: الله يرحمها يكون الله في عونهم <<<خخخ مسلمه هاذي
الاولى: كان من الصعب معالجتها فهي اتت متاخره
وراحوا على المصعد
سمعهم فيصل وجن جنونه
صار يلحقهم : هييييييه انتي وقفي دقيقه
تذكر في لحظه انهم مايتكلموا عربي
صارخ بصوته يلحقهم قبل مايغلقوا المصعد
If possible minute allowedI want to floor on sick
<<< يعني ممكن دقيقه لو سمحت أريد ان اكلمك بشان مريضه
العرض المتطور
