[عاشقة أهل البيت]

..(( الجزء الخامس عشر))..


الجزء الخامس عشر

الساعه الحاديه عشر ليلاً ...

ندى: لؤي خلنا نروح البحر ملل
لؤي: اممم نتسحر هناك
ندى: أي عادي بس بيبرد
لؤي: لا لا عيد نرجع نتسحر هنا يلا خل نروح
ندى: سعد نام صح ؟
لؤي: ايه نام يلا تجهزي انا بجهز خرابيط ناكلها هناك
ندى: هههههههه ماتستغني

بالبحر قعدوا بعد ماتعبوا من المشي ...
ندى: باقي اقل من شهر
لؤي: على ؟؟
ندى: هههه وين رحت على ماتفقد طبخاتي
لؤي: الله يهنيك ان شاء الله
ندى: ان شاء الله .. لؤي شوف ذا الرجال كأنه مهوم
لؤي: اللي يمشي
ندى: ايه سرحان ومهموم يطالع بالبحر
لؤي: شرايك اسأله شو همك
ندى: احلف عاد
لؤي: هههه بس شكله كسر خاطري
ندى: كأنه جاي جهتنا
نزلت الغطا على النقاب ..
لؤي: سمعني شكله ههه
الشاب: السلام عليكم
لؤي كاتم ضحكته: وعليكم السلام والرحمه
الشاب: لو سمحت فيه بقاله قريب هنا ولا ماتدري
لؤي: الا بس بعيده بغيت شي
الشاب: كان ودي اشتري ماي
لؤي: لعن الله يزيد لحظه شوي .. خيووه جبتي ماي معك
ندى: أي ها خذه
لؤي: تفضل
الشاب: زاد فضلك.. شكرا
لؤي: العفو
مشى الشاب ..
لؤي: كان ودي والله اسأله بس خفت يكب الماي على راسي
ندى: ههههههه خل الرجال لحاله ترضى حد يسالك وشو فيك وهو مايعرفك
لؤي: لاا طبعا
ندى: خلاص قول لنفسك.. بس شكله يكسر الخاطر ;)
لؤي: ندى الساعه ثنتين ونصف وانا اقول الرجال يسأل عن الماي
ندى: هههههه يلا نقوم حق سعد الحين بعده بعد نايم



اليوم التالي ..

حيدر: فيصل له وحشه في العمل
محمد: أي الله يرجعه بالسلامه
حيدر: اشوى مااخذوني بدله
محمد:ههههههه كان اخذوك معاه نفتك منك
حيدر: عادي برفض
محمد: والمكافأه؟
حيدر: يخلونها حقهم ماابيها
محمد: تسحرت امس؟
حيدر: هههههه ايه شيه جوعان
محمد: أي متسحر بس جعت
حيدر: اقوول محمد قول تم
محمد: على ويه
حيدر: قول اول لاتخاف
محمد: تم
حيدر: فطوري اليوم عندك
محمد:هههههههههه قلت انا بتطلب الحين كنز من كنوزي
حيدر: الله الله وين هالكنوز
محمد: خخخ خلاص الليله تعال نذوقك الاكل السنع
حيدر: اللي يسمعك مافيه الا هالمره تعرف تطبخ
محمد: أي عندك مانع
حيدر: اقول قم بس قم خل نروح بيوتنا

بالبيت ..

شوق: كم واحد ؟
محمد: بس حيدر
شوق: طيب من عيوني
محمد: ولا اقول بقوله يجيب اخوانه معه
ريم: شووقو الدجاج بيحترق
شوق: هاا طفيتيه
ريم: تعالي مااعرف له انا
شوق: عبقريه مااستوى اصلا
ريم: شدراني
شوق: هههههه باقي له شوي .. ريم بيجون كم واحد يفطروا عند محمد
ريم: بنزيد اكل يعني
شوق: اممم نزيد طبق بس يكفي



في بيت اخر ..

ندى: اف وقته هذا
وتركت اللي بايدها وغسلتها
ندى: الو
الطرف الثاني: السلام عليكم
ندى: وعليكم السلام والرحمه
الطرف الثاني: ندى معي ؟
ندى: أي نعم معك ندى
الطرف الثاني: انا أم حسام
ندى: ياهلا عمتي
أم حسام: شخبارك بنتي
ندى: الحمد لله بخير.. شخبارك عمتي
ام حسام: الحمد لله بخير الله يسلمك .. مشغوله الحين
ندى: لا عادي تفضلي
أم حسام: ماتطبخي؟
ندى: لا عالنهايه خلاص
أم حسام: الله يعطيك العافيه .. بنتي بس بغيت أسألك عن تجهيزاتك
ندى: الله يعافيك .. الحمد لله خلصت وجهزت اغراضي بس ماادري عن ليله الزفه وتجهيزاتها محد خبرني
أم حسام: لاتحاتين بنتي الصاله وكل شي علينا .. وبالنسبه للشقه حسام مع اخواته جهزوها وان شاء الله تعجبك
ندى: قواكم الله ماتقصروا
أم حسام: واجبنا بتصيري منا وفينا واعزمي أي احد تبينه
ندى: ان شاء الله
أم حسام: يالله اخليك تكملي شغلك واي شي تحتاجيه خبريني
ندى: ان شاء الله
أم حسام: يالله مع السلامه
ندى: الله يسلمك
سكرت
سعد لؤي: السلام
ندى: وعليكم السلام والرحمه .. أم حسام من شوي اتصلت
سعد: وشو يبون
ندى: ماتبي شي بس تسالني عن اخباري وتجهيزاتي
لؤي: شرايك فيها
ندى: شكلها طيبه وخوش مره
لؤي: الله يخلي ولدها مثلها
ابتسمت: ان شاء الله



في الليل ...

فتحت الرساله ..

حسسني اني نبض أنفاسك 00
واني كل أهلك وناسك 00
واذا ضاقت بك الدنيا 00
هذا صدري سند لراسك 00

ودي أدخل لقلبك 00
وأشوف بعيني مكاني00
ودي من غير ما اقلك 00
تحس بشوقي وحناني00

ابتسمت وردت ...


غيب ويكبر غلاك
ويزيد فيني هواك
ولو أبعدتنا اليالي لاتظن قلبي نساك.
في قلبي أنت الحبيب مهما ياروحي تغيب
احسك أقرب قريب ولو كان كل منا بمكان
يجمع هوانا الحنان
وطيفك معي ياحبيبي في كل لحظه وزمان
....

حطت الجوال على التسريحه وراحت تذاكر..

محمد: ريحانه
ريحانه: هاا
محمد: فهميني هذا
ريحانه: يوم جيت اذاكر الحين .. جيبه اشوف




في شقة محمد ..

شوق: محمد
محمد: عيونه
شوق: راسك مايدور مع الصيام ؟
محمد: الا اول يومين بس الحين عادي ليش
شوق: مادري من بدأ رمضان وكله تعبانه وراسي داير
محمد بفرح: يمكن حامل
شوق: اممم ماعتقد
محمد: لا والله امشي خل نروح المستشفى
شوق: لا موالليله عندي شغل للجامعه بكره
محمد: شفيك كأنك تتهربي
شوق: لا والله عندي شغل .. بس تصدق اخاف صحيح حامل
محمد: ليش
شوق: مااعرف اصير أم
محمد: هههههههههه
شوق: تضحك علي وشو وراك
محمد: لا شوقي موعليك بس ضحكتني كلمتك
شوق: شو فيها
قرب منها ومسح على راسها: مثل مابتصيري أم انا بصير أب
شوق: بس الأم اعظم
محمد: خل نروح الحين
شوق: لا ماني
محمد: ههههههههه يعني لو مارحتي الحين بيتغير شي بكره
شوق: لاتقعد تخيفني
محمد: لا لا خلاص مابتكلم يلا روحي أم أحمد ذاكري
شوق: هههههه طيب أبو أحمد