[الامير 2009]

خذني يمك .. بعد ماضل كل عذر لاتعتذر
ليل عمري وعمرك مخلص بعد مابي صبر
خل نلم احلامنه ونحفض صورهن
كبل لاياخذهن بدربه الفجر
وخل نلم الباقيات سنينني وسنينك نسويهن عمر
وهنه ميكفن عمر.......
ونبدي من جده وجديد بواهس سنين الزغر
ولو وازانه الكبر
خلي تمشي ايامنه بخطوة العاقل
من عثر مره ورجع يمشي حذر
وخل نعيش الحب ستر
خل نضم ارواحنه ابيناتنه ويه اسرارنه ولاننشهر
وافتخر بيه ويه روحك وانه وي روحي اضل بيك افتخر
خل نسوي العشره ورقه ونصنصنع من الدمعه والضحكه حبر....
حته كل لحضه التمر بالجاي نكتبها شعر
وخل نكول الماضي غلطه وذنب يتسجل ذنب من ينذكر
حبني لتضل تعتذر
حبني واجبرني اعله حبك
الروح ماتعشك لون ما تنجبر
السيف ماينهاب لوما كو الطبر
واعترف راح اعترفلك
واحنه شو نفس الامر
ثنينه انبكنه حدر شمس الظهر
ثنينه انبعنه بسعر جوه السعر
ثنينه السجين تانتنه نذر
ثنينه توهمنه بالحب ننتصر
ثنينه انعاني الغدر
واعترف راح اعترفلك
كلبي جان شكد جسر
وانه جتفت الجسر
وانه وزيت الحمامه اعله النسر
واسمع السر الخطر
صنم سويته بديه
وادري ماينفع يضر
وحاطه اكبالي وعجيبه الشوك من عده انتظر
وانته مثلي بهالامر
صنم سويته بديك شتنتظر
خل نهدم اصنامنه وكافي كفر
وبلكي نهده ونستقر
وبلكت وياك وانه وياي استمر
وبلكت المامر كبل هسه يمر
وبلكت اجناح العشك لبعيد ياخذنه ويفر
ونترك الممنوع والميصير
خل نغط بالماي موصرنه جمر
وبلكي نصحه من السكر
خذني يمك
كبل لايخلص صبرنه ويطفه دم وجوهنه وتطلع صفر
كبل لاينحك ذهبها اطباعنه وتطلع صفر
كبل لارمضان يفطر
ويفكر العالم مثل جية صفر
حطني يمك كبل لايم الصفر ينحط صفر

مع تحياتي
الامير 2009

[فتاه من القطيف]

دائماً متميز أخي (عاشق الصور المرعبة)

لا حرمنا الله من قلمك والله لا يحرم كل ثنائي من بعض

[زورق الخيال]

كلمات جميلة جدا تعبر عن ذوق الكاتب شكرا اخي العزيز

[شيعيةوافتخر]

يسلموووووو

[الامير 2009]

اقتباس : المشاركة الأصلية كتبت بواسطة شيعيةوافتخر [ مشاهدة المشاركة ]

يسلموووووو

شكرا لمروركي العطر
تحياتي

[عشق الكلمة]

الامير ,,عانيت صعوبة في فهم معنى بعض كلماتك العراقية ,, فلم أستشعر المقطوعة الشعرية بشكل جيد ولكن لن تكون الا جميلة كما عهدت من غيرها في شاعريتك وعفويتك باستخدام المفردات و,, راح أتعلم منك .
تقبل مروري .

[الامير 2009]

اقتباس : المشاركة الأصلية كتبت بواسطة فتاه من القطيف [ مشاهدة المشاركة ]

دائماً متميز أخي (عاشق الصور المرعبة) لا حرمنا الله من قلمك والله لا يحرم كل ثنائي من بعض

شكرا لكي عزيزتي لمروركي الجميل
تحياتي

[جراح عاشوراء]

تسلم وصح لسانك

[نور المستوحشين]

سلمت أناملك أخي امير شعراء أنا شيعي

ربما بعض الكلمات لم اعيها ولكن مضمون ابياتكم غاية في الروعة ....

بانتظاار المزيد

تحياااتي نور...