[على العاشق]

اول مره شفتج بيه مدري شصار
احس كلبي تعلك كله بعيونج

حبيتج من قبل لا اعرف الاسماء
ومعروف الاسم صدكيني من لونج

اترجاج لتقبلين للطلاب
انجنت الوادم حيل بفتونج

واذا لا سامح الله ورحتي للغير
احط عبوات لهلج اذا ينطونج

مو كالو تجنن قيس من ليلاه
اذا فعلن تجنن اني مجنونج

وكون اهلج علك بالركبه يخلون
حتى الناس اصلا مايحسدونج

ولو ادري العلك ميفيد وياج
لان العلك دايخ هو بعيونج

واذا فوك الكاع رجه تصير
ماتحمل الكاع الثكل بمتونج

واذا بالبيت انتي ولمن اطلعين
عراضه اباب بيتج بس يلاكونج

جمال البيج ماظن شايله انسان
ومن كد الجمال اجيال يذكرونج

ويدرسون اعله عينج والرمش كتال
والطلاب رادو بس يحفظونج

يحفظون الشفايف رئسن وينسون
داخو من كثر ماكام يقرونج

درس خلو خصوصي من جمال البيج
طلع حتى المعلم يدرس عيونج

واسمج على الحايط بالدراسات
واذا قدمو بحث لازم يقدمونج

ماينقبل بحثه المايقدم بيج
وموضوع البحث يدرس على عيونج

يعني انتي دراسه وتدرس الطلاب
او وزاره الوحدج لازم يخلونج

منقوووووول
ولكم جمل تحية
العاشق

[مسك وبخور]

تسلم عالنقل مع انه فى كلمات وقفت عندها
مو فاهمه معناها
شكرا ويعطيك العافيه

[hawra]

مشكوووووووووووووووووورة

[hawra]

قلم جميل جداً جداً

[hawra]

مشكووووورة من قلبي

[على العاشق]

اقتباس : المشاركة الأصلية كتبت بواسطة مسك وبخور [ مشاهدة المشاركة ]

تسلم عالنقل مع انه فى كلمات وقفت عندها مو فاهمه معناها شكرا ويعطيك العافيه

شكرا لكي على المرور الجميل
ويكفي ان تكوني في احضان صفحاتي
اخوكي
العاشق

[على العاشق]

اقتباس : المشاركة الأصلية كتبت بواسطة hawra [ مشاهدة المشاركة ]

مشكووووورة من قلبي

شرا لكي اختي
ولمروركي المنور لي صفحاتي
دمتي بود
اخوكي العاشق

[ايمان حسيني]

شكرا جزيلا اخي علي القصيده الرائعه تسلم ايدك عالنقل ويسلم اللي كتبهه

[اميرة القطيف]

العاشق ؟؟؟

قرأت القصيدة أكثر من مرة أريد أتأكد من شيء !!!

بس للأسف مو قادرة أتأكد منه ..

لأن الإنسان لما ما يكون صادق مع نفسه شلون بيكون صادق في حبه ؟؟؟؟

أشكرك للنقل .. موفق لكل خير


تحياتي لك ..

اميرة ........

[عادل الناجي]

هذي الكلمات اذتني واتمنى لو تحملو شويه مني
لان بعد ما اكدر اتحمل اكثر
شرد اگلك عالوضع شنهي الجديد ..
انته يا بيت التطبله وما كو بيه صورة شهيد ؟!
شرد اگلك ..عن رياضي العاف اهله ..
ابخير .. وبصحه .. وسعاده ..
ورايح ايمثل بلاده ..
ومن رجع ما شاف واحد .. شاف بس كومة حديد
وبيته طايح فوگـ اهله
وما مصدگـ .. مدري وهواس ابخياله
وناس غربه .. وعدهه غيره .. وطلعوا جثة جهاله
وياهو ليروح ويگله ؟؟
ايگله بس انطيني مهله ..

وشرد اگلك عالوطن ما بيه امان ..
انه سامعهه بوكت ما كان .. كان
چانت امي بزغري انه .. اتسولف القصه وانام
اتعودت كلما انام
يمه .. وعفيه يمه القصه اريد
ورايد اسمعهه ابحنان .. يمه كلهه ومن جديد
وشرد اگلك واحد امتاني العزيز
يمته يرجع ؟ يمته يوصل ؟
ومن وصله الخبر ميت !!
راد يصفگـ ايد بيد ... وما گَدر ما عنده ايد !
ما ملك بس ايد وحده .. وبس دمع جاري اعله خده ..
وشارد امن الدنيه شرده ..
جاي تسألني شتريد ..؟
جاي تسألني شگلك .. شنهو اريد وما اريد
انه اريداً كلشي اريد ..وكلشي منك ما اريد !
انه اريد لكل فقير اتصير بسمه ..
وترسم فوگـ الشفايف
وانه اريد لكل يتيم ايردله حلمه
وما ينام وهو خايف ..
وانه اريد لكل مواطن عنده كلمه
وتنحچي ابوكت السوالف ...
ما يخاف ..
انفكر احنه اشوكت نسمن ؟ .. واحنه كاتلنه الجفاف

واحنه وصلتنه المجاعه
وناس ملتهيه ابنواط الشجاعه
انه اريد .. النوط نفسه .. وكون ينطونه لفقير
بس اريد انبدل اسمه ...
وبشرط نوط القناعه ..!!
وشرد اگلك عالمصايف ..
ناس مصيفهه البحار .. وناس مصيفهه بالجوادر
وناس نامت عالخضار .. وناس ماتت عالمنابر
ناس تفتر ابمنزه .. او حديقه
وناس تفتر بالمقابر
امريه حجيه خطيه ..
والوكت حيه دفنهه ..!!
وجايه ادور اعلبنهه ..
وشرد اگلك ..
عن ابنهه اشلون مات ..؟
گاعده وتدعيله يرجع بالصلاة
وهيه سمعت صوت باب اندگـ عليهه ..
وركضت ابلهفه تفتحه ..
وسلموهه أبيديهه اوراق الوفاة
انته ما تدري ابوضعنه ..
جاي تسألني شتريد ..؟
انته يا بيت التطبله ...
عود ماكو بي صورة شهيد ..؟!

واليرحم الله اخونا الشهيد سيد ع