بسم الله الرحمن الرحيم
والصلاة والسلام على خيرِ الأنامِ أبي القاسمِ محمد وعلى أهلِ بيتهِ الطيبين الكرام واللعن الدائم على أعدائهم اللئام على مرِ الليالي والأيام.
((الــمـسـتـهــل))
يـاحيـدرنه يـاحيـدرنه = بالطف ياريتك تحضرنه
((الـــنــــــص))
بـآلطـف آطفـالك يسروههَ
وأبخيل الرضع سحـﮔوههَ
وأخيمك بويه الحـرﮔـوههَ
خلافـك ياهـوّ اللي أيّلمـنه.
*****
آلسجاد أبـﮔـيدْ أمـﮔـيـديـنهَ
وتـولـوا يـابويه أسكــينـهَ
ماضـن واحـد يـفـزع لينهَ
عـﮔب آلـعـباس آلـﭽـافلنهَ
*****
أبـيا حاله يبن أمي حـالـك
بـس ﭽـتالك ظـل يـبـرالـك
حـانت يـبـن آمــي آجـالـك
وبـفـﮔـدك خـويهَ آتمحـنـهَ
*****
يـرضيـك أطفـالك بآلهـيمهَ
للْـخدَّرْ وصـلـت هـآلـجيمهَ
يـابويهَ آومـاضلـت خـيمـهَ
عـﮔبك مـاواحـدْ ظـل يمـنهَ
*****
آوعبـاس آلظـاعت أخـبارهَ
يـمّـناهْ أنـﮔـطعتْ وأيـسـارهَ
وخـلافـك زيـنـب مـحـتـارهَ
إنّـهض يـابـويهَ آوصدْ ألْنهَ
*****
أوسـهـم آلِمـثـلـث يـاذيـنـي
هَـدْ حـيلك ياخـويهَ آوحيلي
أﮔـعـدْ يـاخـويـهَ آوحـاﭽيني
بـعـدك يحـسـيـن آتّـصدعنهَ
*****
وآتـشوف آعـيالك مـنهوبهَ
زيـنـبـكـم ظـلـت مـرعـوبـهَ
عـدْ هـاشـمْ ﭽـانـت مهيوبهَ
وآلـيـوم أخـلافـك مـمـتحـنهَ
*****
صـيـوانـك يـابويهَ أتـفـرهدْ
آولطفالك كـل سـاعهَ أتفـﮔد
وحسين آجروحهَ الـما تنعدْ
مشبوحهَ أعيونه أيّصدْ لينهَ
*****
عبدالله آودمهَ آلْـظـل ينــزف
أبحضن حسين أوﮔام أيّرفرف
عـطـشـان آولَـلْـماي آمـلَهـف
هـاي الـصـورهَ أتظـل تالمنه
*****
راحـتْ كـل أشـبـول الــعتـرهَ
وآلـخِـدَّرْ هـامـتْ بـآلـصحـرهَ
وحـسـيـن آلـنايـم عـآلـغـبـرهَ
ريـتـك يـاحـيـدر تـحـضـرنـهَ
*****
أخوكم:
حيـدر الـناصــري
20/صفر/1422/هــ
14/5/2001/هــ
الأثـــنــيـــن
العرض المتطور
