ابو ذيات جميله لكل الاذواق - الصفحة 20

احمد العراقي · بتاريخ : 21-08-2009 الساعة : 01:51 AM

اشوكت مولاي رايتنه ترف بيك
وتصير ايام مر همنه ترف بيك
حوينه جروح بغيابك ترف بيك
ابنزف تتناك يا نسل الزجيه

تحياتي عمي ابو تركي
وموفق لكل خير

البدري14 · 03:08 AM

اقتباس : المشاركة الأصلية كتبت بواسطة احمد العراقي [ مشاهدة المشاركة ]

اشوكت مولاي رايتنه ترف بيك

وتصير ايام مر همنه ترف بيك
حوينه جروح بغيابك ترف بيك
ابنزف تتناك يا نسل الزجيه

تحياتي عمي ابو تركي

وموفق لكل خير

يبن العسكري بعينك دمانه
تسيل وباسمك تنادي دمانه
بس اظهر فدى لجيتك دمانه
وكلنا جنود الك يبن الزجيه
----
موفقين ابو شهاب

البدري14 · بتاريخ : 22-08-2009 الساعة : 04:03 AM

هلا بيك شهر الطاعه
----
علي افرض شما تامر ودنك
واسمع رنة اكتارك ودنك
ثلاثينك مدى عمرك ودنك
عسى كل مؤمن ايامه هنيه
----
1= الدن الشرط
2= الدن صوت تصدره القطعه المعدنية اذا سقطت
3= عدد ايام الشهر يوؤدنه يعني يدفن بعد اكتماله
-----
ربي يرزق الجميع صيامه وقيامه
موفقين

البدري14 · بتاريخ : 23-08-2009 الساعة : 07:52 AM

سبحان من خشعت له الاصوات
وسبحه الطير والشجر
كل عام وانتم بالف خير يا ابا شهاب
نطلب المعذرة طيلة شهر الله الكريم ونعود
بعده ان كان في العمر بقيه
اسمى التهاني والتبريكات مقدما

احمد العراقي · بتاريخ : 23-08-2009 الساعة : 09:49 PM

مبارك عليك وعلينه الشهر الكريم عمي الغالي ابو تركي
على راحتك الك كل العذر وان شاء الله نشوف تواجدك بعد الشهر المبارك
تحياتي لك عمي الغالي