مولد الاقمار
مزدهره الدنيا بانـوار ** فرحانه ابجية الاقمار
رسمت بالوان الافراح
لوحة وعطرها القداح
بيها اتبـارك للمختـار ** فرحانه ابجية الاقمار
...........................................
فرحـانـه الـدنـيـا ومـسـروره ** وضـاعـت كلـمـات الاحـــزان
من طر فجـر الخير اعليها ** ابـيوم الثـالث مـن شعـبان
هل نـور المصـبـاح الـزاهـر ** نور الله ابـهـيـئـة انـسان
اسمه حسين ويا محله اسمه ** مخـطـوط ابـعــرش الـرحـمـن
مكتوبه حروفه باركانه
نعمة من الباري لدنيانه
تتباشر كامت بالصار ** فرحانه ابجية الاقمار
...........................................
وابـيـوم الـرابــع مـلـتـمـه ** جن وامـلاك وكل الـناس
يـم بـاب الـكـرار اتـنـادي ** يـــا مرحـبـتـيـن ابـعـباس
تـبـريـكات لامـه اتــقـدم ** تتمنى اتشيله اعله الراس
شمس الكونين اتظل مهده ** والنجمـات اعليـه حـراس
من شافت انواره انبهرت
دنيانه وبالبسمة اكتحلت
بالمولد حنـت كـل دار ** فرحانه ابجية الاقمار
............................................
وابيوم الخامـس ضواهـا ** كوكب مـا صايـر بالكـون
اسمـه يماثـل حيـدر جـده ** در فــاق الـدر المكـنـون
ابن حسيـن الساجـد هـذا ** عنده اعظم شدات اتهون
حكها الدنيا اتطير ابذكره ** ما شافت مثلـه وميكـون
يا محلاها ابمنة ربنه
من انزل اسياد الجنه
وشرفها ابنسل الاطهار ** فرحانـه ابجيـة الاقمـار
............................................
يوم اهدعش ابنور اتوضت ** جن طه ابكل الاوصاف
سمّوه الاكـبر وابوجهه ** رحمه الـ هالعالم تنشاف
يا واصف يكدر يوصله ** ويا شعر ايوصفه بانصاف
من هاشم متورث كل شي ** ليث وما ينعد بآلاف
متصلصل بانسابه اتعرفه
دنيانه وهالبيه متشرفه
طشت لعيونه الازهار فرحانه ابجية الاقمار
..............................................
وابفجـر الـنص لن الجـنـه ** تـنـثـر فــوك الـدنيـا ورود
عرش الله ويَ اللوح ايهلهل ** مـبتهجين ابـهالـمولود
مهـدي الامــه البـيـه تتـامـل ** تـفرج بـالـيـوم الـموعـود
يحيي الـدين ويـعدل امـره ** عهد من الـباري ومعهود
تتنطر دنيانه ليومه
من يظهر وتشيع علومه
وتصفه ابسيفه من الكفار ** فرحـانـه ابجـيـة الاقـمــار
.........................................
من طه ومن حيدر تزهـي ** الافـلاك ابـطاري الطيبين
خالقهـم مـن نـوره الـباري ** ومـا مخلوقين مـن الطين
شجرتهـم طيـبـة ومبـروكـه ** ومن اصل الشر معصومين
هنياله الـعاش ابصايتهم ** مـا يخسـر رابح كل حين
ما يخسر والدنيه اتسره
وتزيح اهموم الي ابصدره
ممنونه ابحب الاخيار ** فرحانه ابجية الاقمار
احمد العتابي
العراقي
مولد الاقمار
العرض العادي
