[احمد العراقي]

الامام الصادق عليه افضل الصلاة والسلام

يا بحر وهمان كلمن يحتويك
ويا سفينة البيك يمشي شراعها

يا شمس عالم تحير من يجيك
اتضيگ عينه اشما بصر باشعاعها

يا حرف ما مل لسان اليحجي بيك
الناس منك ترجه تحيي اسماعها

يا صرح والكون زاحف معتنيك
ابلهفته اجدامه يحث اسراعها

يا عدل ما خاب جدم الماشي ليك
ويا شريعة ايفوز ياهو الطاعها

يا صبح فجر الحقيقة او بين اديك
انخسفت ارباب الظلام ابگاعها

يا علَم دنگت روس امعانديك
جوه جدمك من كشفت اقناعها

راد دولاب الجهل يفتر عليك
وشاهدك وثبة محال اخضاعها

شاف بعيونه المهابة التعتريك
وشاف روحه من المذلة اشباعها

يا بداية نور ربـــك مبتديك
وصاغتك ذاته ابعظيم اطباعها

للصدق منهاج راسخ مصطفيك
ثابت ابدنيه هزيله اوضاعها

ما عطش عمر العلم جيه مرتويك
من جرف بحرك جذوره افراعها

نور جلباب القداسة المعتليك
ما طفه ومنه الشمس مطلاعها

اجتمعت اعقول اشكثر رادت تعيك
وانت قمة اتفوق حيل اجماعها

يا وصف يا سيدي انصوغه عليك
والمعاجز بيك سر اوداعها

نكتب وما نوصلك بس نرتجيك
تحضر ابساعة يعز فزّاعها

تشفع ابيوم الحشر للينتخيك
وانت بابك ما ترد اشياعها


احمد العتابي
العراقي