من قرن وأمي تقول سوي لنا سبانخ وسوي لنا سبانخ عاد جاء في بالي هداك اليوم اسويه ومن الرواقة صورت كل شي >>>لأن مو أني اللي بغسل المواعين وبنظف في من وراي تنظف
المهم ماعلينا نبدأ بسم الله
العادة اسويها على قطع دجاج اخف والذ وهالمرة جربت ع اللحم
وهذا نموذج ومثال حي ع قطع اللحم الصغار اللي هي شاورما اللحم
وهذا بعد الغسال
وهذا السبانخ وانا استخدمت كيسين بس صورت واحد خخخ
بصراحة ماعرف افرق بين الكزبرة والبقدونس بس اللي استخدمته اللي في الصورة واللي تكون ورقته اكبر شوي
بصل وفليفلة وطماطم
قطعت البصل والفليفلة شرايح وخليتهم ع النار
وفي نفس الوقت حطيت الطماطم والكزبرة في الخلاص
بعدما تدبل البصل شوي خليت فوقه قطع اللحم تتشوح
بعدها حطيت عليه الطماطم والكزبرة
حطيت بهارات وملح وشوية صلصل
خليت السبانخ ثواني في الخلاط وبعدها حطيته ع الصلصة
خليته شوي ع النار وبعدها حطيت عليه ماي بس مو واااجد
صنعة ايدي .. سبانخ
...
العرض العادي
