[ثورة الحسين]

دارميات

لحسين اهل ادموع وانه ابطن حوت
ومن كثر دمع العين شيعني تابوت


لحسين اهل ادموع وانه بسفينه
صار الدمع طوفان غرك مدينه


لحسين اهل ادموع ميت بتابوت
بالدمع فاض الجفن غرك ابيوت


لحسين الجبل لونه تغير
حل بالجبل زلزال صخره تكسر


ياكلبي افرح دوم بحب الحسين
بحبه مكفول الجنه وين

ابوذيات

لصولات الطفوف حسين وشمه
وكمر هاشم لروس العده وشمه
وكمر هاشم لزينب دنك وشمه
شم ريحت فاطمه وسيد البريه



لكبدتك يحسين سهم المثلث كم
وكمر هاشم صولاته علعده كم
وزينب بالصبر شاركتكم كم
وزيينب التشهد بهاي القضيه



ومضات

لحسين رايح ابجي
وي موسى ابطن البحر
امكابل ايصير البجي
البحر متحمل ونفجر



لحسين رايح ابجي
وي عيسى ابطن المهد
من كثر البجي وياه
لحسين الدمع مد



لحسين رايح ابجي
وي يوسف ابطن البير
من كثر البجي وياه
الدمع عطل السير



لحسين دوم ابجي
وانه بوسط نار
ابراهيم وياي يبجي
بالدمع سالت انهار



بقلمي خادم اهل البيت
عبدالله الشاعر
ادعو لنا بالشفاء العاجل

[ارسطو طاليس]

تمنياتنا لك بالشفاء العاجل بجاه محمد وآل محمد
وتسلم على هذه النفثات الرائعة

[صبر الحوراء]

من كل مكره ياأخي عبدالله

[ربيبة الزهـراء]

صح لسانكم مولاي
كلمات في حب الحسين
السلام عليكً يا اباعبدالله الحسين

بارك الله بيكم ,, والله اشافيكم بحق الزهراء


موفقين لكل خير

[الروح]

بوركتم وعافاكم المولى بحق المولى الحسين
تحياااتي وتقديري

[مرتضى شكر]

عبد الله يروه الماي من ثدي النبله
إبياشرع صارت هاي للقدركله
مرتضى شكر
النجف الأشرف

[الملكي]

لحسين اهل دموع وجريله لدموم
وانشغ مثل محتام ومفارك النوم

اخي العزيز بارك الله فيك"
وعافاك وشافاك بحق مريض كربلاء"

تح ياتي

[ثورة الحسين]

شكراً لردك الرائع والجميل اثابك الله خيراً بحق الحسين (ع)
اخوك الصغير
(عبدالله الشاعر)