يامسهل ياالله
في رثاء الصادق(ع) ----- شعر: مرتضى شكر
علمه أو إجتهاده -- بوابة جهاده
للصادق هويه -- دم الغاضريه
بوابة جهاده
----------------
مره تشوف الدم يقود الثوره
أومره العلم يصبح منار أوبذره
هذا الزمن إتصفحه أوبيه إقره
إعله الظالم إمن السيف أشد الفكره
أوجعفر علمه آيه -- مدرسته الهدايه
شريان القضيه -- دم الغاضريه
بوابة جهاده
---------------- 1
من كبل متكول المغالاه حرفه
للشاعر أمست والقوافي إتعرفه
خليك واعي أوحاذق إمن إتوصفه
هاي الحقيقه أوبيها كل معترفه
للصادق مدارس -- حلقات أومجالس
فكره عالميه -- دم الغاضريه
بوابة جهاده
---------------- 2
مسجد الكوفه الشاهد أوبالبرهان
حلقات درس الصادق إبكل إمجان
إبحور العلم تتفجر إبجم عنوان
رمل الحقيقه إيجاوب أو عنده إلسان
عقلك لوتناسه -- تنبيك الفراسه
واضح للبريه -- دم الغاضريه
بوابة جهاده
-------------- 3
جعفر الصادق نزف رافد علمه
لأجل الأجيال إتعيش بأوفر نعمه
خدماته للأنسان ثره أوجمه
هذا العدل رد جزه إحسانه إتسمه
جف الظلم أفعى -- من تغدر إبلسعه
بالروح الأبيه -- دم الغاضريه
بوابة جهاده
-------------- 4
لليوم يصرخ صوت جعفر لاذل
أولاعالظلم يقبل المسلم ينزل
مرهف جهاده بالعلم متمثل
بيرغ نصر درب النضال إيفصل
لكل مسلم حصانه -- صمصامه لسانه
خالد ميه ميه -- دم الغاضريه
بوابة جهاده
---------------- 5
إتحدى الدوانيقي أوجوره أوظلمه
أوثار إعله حكمه الجان عالحك غمه
دون الأسلام إيضحي صار إبدمه
إبسم الغدر كوض إمام الأمه
ريحانة نبيه -- إمام الجعفريه
كص جف المنيه -- دم الغاضريه
بوابة جهاده
------------- 6
ودع إمام الطائفه طلابه
إبصبره أوينوح العلم جرحه إببابه
وإعليه يون ماجف دمع محرابه
دين الله ناح لفركته وإكتابه
فوك إجفوف صبره -- شيع غصب عمره
شمس الله المضيه -- دم الغاضريه
بوابة جهاده
------------- 7
شيع إسنينه إمام الطائفه
جعفر الصادق نزيف المعرفه
لجن ماسلهم جفن علمه أوغفه
سنى إعلومه إعله الدهر طاريها
------------- 1
غمض جفنه أوبي تحف ولده أوهله
حضه إبغسل أوجفن شبله الغسله
شيعت نعشه الملايك والمله
أولعد دمعات الحزن تجريها
------------- 2
مومثل جده الحسين إبكربله
أولافرد مفصل سلم بمفاصله
داسته الخيل أودماه إمغسله
والجفن لحسينها ذاريها
------------ 3
إبغربته عاري أوسابح بالنجيع
خنصره مبتور والمنحر كطيع
إبكتره الأكبر ويلي وإبكتره الرضيع
ركبته طوك النبل شاريها
------------- 4
إبأرض غربه ظل ثلاثه إبلا غسل
عاري شبل الطاهره روح النفل
بي تمر شمس الضحه تنسجله ظل
دم رسول الله أونزف هاديها
------------- 5
الأربعاء 23/شوال/1430هـ المصادف 12/10/2009
النجـــــــــــــــــــف الأشـــــــــــــــــــــــــــــرف
(دم الغاضريه) حصريا لمنتديات أنا شيعي - مرتضى شكر
العرض العادي
