[ثورة الحسين]

لاصبح صبح ــــــــــــــــــــــ بعدك سفيراحسين
فاركنه منه فراك المنيه
ــــــــــــــــــــــــــــــــــــــــــــــــــ ــــــــــــ
صبح لاجن راحت بيه الافراح
والكالو لمسلم نفديك بالارواح
اتغيرت افكارهم بين ليله ومصباح
هل دمعة العين ـــــــــــ لحسين ابو السجاد
وحقيقه الغدر من اهل الرزيه
ــــــــــــــــــــــــــــــــــــــــــــــــــ ــــــــــــ
ظل وحده ويحسب الساعات احساب
ومايدري وين ايسير ضعن الاحباب
ويصيح ارجع يحسين ماعدهم انساب
ارجع يحسين ـــــــــــــ نكثو عهدهم
وهاذه طبع اهل الرديه
ــــــــــــــــــــــــــــــــــــــــــــــــــ ـــــــ
بالكوفه ظل وحده مسلم محتار
لاطارش ايبلغ احسين ولاعنده انصار
وحقيقه الغدر يحسين من هاي الاشرار
مااكدر اخفيه ـــــــــــــ عن احسين
لاتنطر منهم حميه
ــــــــــــــــــــــــــــــــــــــــــــــــــ ـــــ
اتعنه لدار طوعه مذهول الراي
عطشان ومن عدهه طلب شربة ماي
غريب كال والعطش كَطع اجلاي
الماي يحصل ــــــــــ نار احسين بحشاي وشلون اوصل خبر لابن الزجيه
ــــــــــــــــــــــــــــــــــــــــــــــــــ ــــــــ
كَلبي منك يالغريب شو مرتاب
ماي اشربت ليش واكف بالباب
لهلك روح هاي دار اجناب
اشلون اروح ـــــــــ وحسين ساير بالدرب
وتغدر بيه كوم اميه
ــــــــــــــــــــــــــــــــــــــــــــــــــ ـــــ
لاتحسين ياطوعه ابد بالخوف
اهلي اطياب وفخرهم موصوف
ابيوتنه ابيوت النبي المعروف
الدمع هل ــــــــــــ فوك الخد
وظل اهلي نامت الناس ابفيه
ــــــــــــــــــــــــــــــــــــــــــــــــــ ـ
ضوه اعيوني مسلم لداري اجيت
معرفتك ارجوك سامحني ياريت
ابيوتكم ابيوت الشرف وين هاذه البيت
ابيوت المصطفى ـــــــــ ابيوت الفخر
وشلون النبي ينخفي ضيه
ـــــــــــــــــــــــــــــــــــــــــــــــــ
دخل للدار مسلم وروحه اتحوم
فكره يم ابن عمه احسين المظلوم
خانت بالعهد وي احسين هاي الكوم
عافت دينهه ـــــــــ وغرهه المال
وخانت بحسين الحميه
ـــــــــــــــــــــــــــــــــــــــــــــــ
طلع من الدار مسلم وطوعه اتشوف
عل الدار دارت خيل وزلم واسيوف
حاربوه ابحقد وصارو اصفوف
صف الحقد ــــــــ صف الكوم
ومسلم ناصر نبيه
ـــــــــــــــــــــــــــــــــــــــــــــــ
لقن الكوفه مسلم وعلمهم ادروس
روع الكوم وحصد منهم انفوس
انترست الكاع ابجماجمهم وداس الروس
معروف النسب ـــــــــ جده الرسول
وصولاته حيدريه
ــــــــــــــــــــــــــــــــــــــــــــــ
صدر امر ابن زياد الخداع
يرمون مسلم من فوك القصر للكاع
للموت مااهتم مسلم وماصاع
روحه حسينيه ــــــــــ نفسه ابيه
ويحسين خانت كوم اميه
ــــــــــــــــــــــــــــــــــــــــــ
من بعد ماعلم الكوفه صاح ابصوت
طلاب حك احنه وماانهاب الموت
لاجل ابوالسجاد انطي الروح مبخوت
شوف ابو الاحرار
وقائد الثوار
وحامي دين المختار
ابدم احسين رجع للدين ضيه
ــــــــــــــــــــــــــــــــــــــــــــــــــ ــــــ
بقلمي خادم اهل البيت (عبدالله الشاعر)