[رحيم الحسناوي]

اللهم صل على محمد وال محمد
رساله الى الامام المنتظر عج , واقع حال

صادك الكال الزمن ماله امان

الناس تنطي الدين بس تاخذ مجان

شلون احطهن سيدي بروح البنان

الروح صارت كور ناعور وتكر

تكر على احزان الامامه وتستجير

ويا ضليمه تصيح ماضل كل نصير

الدين ضل ينحب يسيدهه ويسير

ولا صحيح يصح عجيبه بهالزمن

الزمن من دار جففتهه الامور

وكامت الدنيه عكس بينه تدور

الخاف دك رجله وكصد بين الجحور

يكول من تصفه ارد واضرب صدر

صدر حيل من ارد ادك لسيدي

ووي ضجيج الناس افني المعتدي

وما اهممن لو تكبكب موردي

اانه شيعي وما ارد عن مكصدي

مكصدك يا صاح مو كثره وتضيع

وهيه مو عركه وفزيعه على السريع

حسين من طاح على صوب الحك صريع

بلا دفن ضل حتى مححد غسسله

وكومه روس على الرماح ترتتله

وتنشد اليدناك والله نزلزله

نزلزله بلا روس لو بس بالكلام

وتبكه عنوان التسامح والسلام

المادنك هامات سيدنه الهمام

ولا رجع ملهوف عند الملتقى

الملتقى وجناتهه انشد يم علي

ويم زجية مرسل الله ويم هلي

ولا تتابع دوم جلمة جاتلي

اانه ابن خير البشر اما وابا

ابا صال وجال بيهه ودك علم

وصدهه من تالي النواصب للقلم

يبيد كلمن شد على الدنيه بوهم

وللشدايد سيف شاخص ما يبيد

ما يبيد ولا يخون بصاحبه

ولاتاخخر يوم عن من كاتبه

اكله ملح وماي والهم راتبه

والدنانير الذهب شل حالهه

حالهه الغيير حوالات البشر

ولا يرد من شاف ضرهن واعتبر

باجر اببرزخ تره يطول السفر

عمي والمالات ياهو بحالهه

بحالهه الجان وعشكهن دك عزه

حيث ما يلكه اليغيير مركزه

بالقزان النار تبدي تبززه

ويغرك اننوب بصقر وحجارهه

حجارهه اليسعر هواه وملمسه

والترققن ما يرد للمدرسه

جان بالدنيه وقور وفلفسه

وبالجذب والزور كضضه اعماله

اعماله بس اانه البطل واانه العجيد

واول الغزلان من يحمه الحديد

الناس تتمننه النزف من الوريد

وهذه شارد ما عرف تاليهه

يا مهدي عج
رحيم الحسناوي

[ثورة الحسين]

تسلم اناملك على ماخطت من كلمات رائعة وجميله تحياتي ومودتي
اخوك الصغير
(عبدالله الشاعر)

[رياض الرسل]

السلام عليكم


الشاعر الغالي

رحيم الحسناوي


موفق لكل خير
ودمت للجميع


رياض الرسل