|
|
شاعر
|
|
رقم العضوية : 46554
|
|
الإنتساب : Dec 2009
|
|
المشاركات : 277
|
|
بمعدل : 0.05 يوميا
|
|
|
|
|
|
المنتدى :
المنتدى الثقافي
ياجابر تدري الصار
بتاريخ : 26-12-2010 الساعة : 06:28 AM
(( ياجابر تدري الصار))
ياجابر تدري الصار ... ذبحوا سبط المختار
يتمونه ... مارعونه
ذبحوا سـبط المختار
************
يجابر جيتك بحسره أعله گبر حسـين دليني
عفته ورحت متيســـره اليوم رجعت تدريني
خليت عالتــربان غصباً عليّ ســــــــــابيني
ماخلوني أظل ويـاه أباريــه ويبـــــــــاريني
ذَبّحونه ... روعونه
شـــبّوا بخيمنه النـار ... ذبحوا سبط المختار
************
يجابـركلي عن عبــاس ويـن أنـّدفن دلينـــه
بعد جـوده طريـح أهنـاك يم رايتـه وجفينــه
أجت تنحب عليه وتنوح بالهم تندب ســكَينه
تكَله ياكمـر هاشـم ريتـك تنظر البينـــــــــه
يسرونه ... سلبونه
أدري عنـدك أخبــار ... ذبحوا سبط المختار
************
يجابـر بالله خَبـرني عبدالله شـــصُفه بكَبـره
يريت السهم بصوابه گطع نحري قبل نحره
بعيد أندفن عن حســـين لو نايم عله صدره
عنّه غصُب مشـوني وكسـري ياهو اليجبره
مرمرونه ... عذبونه
كَوم يزيد الأشـــرار ... ذبحوا سبط المختار
************
يجابر عن علي الأكبـركَلي شـنهو أخبـــاره
شبيه المصطفى الهادي تركته أودمه يتجاره
موذر عفتـه عالغبـره تلهب بالكلب نــــــاره
ليلى تنـوح بالألام وأنـه صفيت محتــــــاره
كَيدونه ... من ولونه
جسمه أتوذر بشــفار ... ذبحوا سبط المختار
************
يجابرهم شــفت عريس من دم ركَبته أتحنه
جاسم عرســه لمن صاربيض أوسمر زفنه
بالله عليــك دليني كَبره شـــــــلون أعرفنـه
تركته موســــــد المصرع ماخلوني أودعنه
غربونه ... من سبونه
وينه اليصرخ بالثار ... ذبحوا سبط المختار
************
ياجبر وين أبن ظاهرمسـلم وين وأبن القين
هاني وعابس ونـافع عليـهم دمه تهل العيـن
صفوه وضحوا أبدمهم جادو بالنفس لحسين
قدموا للرساله أرواح حفظوا نهج هذا الدين
ودعونه ... مادرونه
صرنه بچف الأقدار ... ذبحوا سبط المختار
************
بقلم / سـعد مطلوب الخفاجي
| |
|
|
|
|
|
العرض العادي
