[رياض الرسل]

السلام عليكم

الاخوه الكرام
اساتذتي
شاركونا بدارمي واحد فقط
بما تجود به قريحتكم
( افراح ) او ( احزان )
المهم المشاركه
وعن اي امام براحتك

واني خادمكم
راح اشارك بهذا الدارمي

يوصل نريد الصوت لرض المدينه
صلوا عـلى المخـتـار طه نـبـيـنــه
*****************

يله انريد مشاركاتكم


خادمكم
رياض الرسل

[ثورة الحسين]

علرمح راس حسين وافتر سبع فرات
يسمع طفل يا ناس يصرخ يا عمات
________________

بقلمي خادم اهل البيت (ع)
عبدالله الشاعر

[رياض الرسل]

السلام عليكم

عبد الله الشاعر



اشكر مشاركتك الطيبه
وننتظر المزيد من المشاركات
دمت بكل خير وبركه


رياض الرسل

[مازن الشطري]

الشيعي تدري شلون تعرف صفاته *** من تذكر المختار تسمع صلاته
من سالف الأخبار تدري أشوصلي*** من تسمع ابطرواه علهادي صلي

اللهم صلي على محمد وآل محمد.

[رياض الرسل]

السلام عليكم

حبيبنا الغالي
ابو زينب الرائع

منور منور منور منور


موفق كل التوفيق
على هذ المشاركه الرائعه
وجعلها الله في ميزان اعمالك
دمت بكل خير

رياض الرسل

[نزار الفرج]

بسم الله الرحمن الرحيم
وصّلت صوتي اهناك يم نور الاكوانْ
قريت او تكت ادموع والكًلبْ بركانْ
******
يم الأيّمه اهناك مطرتْ ادموعي
والآه والحسرات هدمتْ اضلوعي
****
لاخي وحبيبي ابا عباس الف سلام ودعاء
عفوا على الارتجال
ولي عودة
ابو محسد النجفي

[رياض الرسل]

السلام عليكم


شاعرنا الكبير
ابو محسد النجفي

تشرفنا بك حبيبنا الغالي
واطلاله رائعه من جنابكم الكريم
والمشاركه اروع واغلى

طيب الله انفاسك الكريمه
والله لايحرمنا منك ابدا

خادمك
رياض الرسل

[ابو ظاهر البركي !]

ادعولــــي يلزوار يـم عتبة الباب
مكدر تلفني الظيم جاي انه طلاب

اخي وحبيبي استاذ رياض
تقبل مروري ايها المبدع


خادمكم
ابو ظاهر البركي

[مرتضى شكر]

أرد أنشدك بالله ياوادي خيبر
عالسيف عبرجيش لوعالزندمر

مرتضى شكر
النجف الأشرف

[منذر الساعدي]

يخسى اليكول انخاف خل يسأل الموت
سوينه درب احسين كل طوله تابوت

للامانه
بقلم حسين الساعدي