[لله عشقي]

اللهم صل على محمد وآل محمد
السلام عليكم ورحمة الله وبركاته
مثال لعلاقة الأخ لأخته
في منتصف الليل ، كنت أقضي وقتي مع صديقي (( سلطان ))

كنا مستمتعين بالنقاش في الجانب الرياضي , قطع حديثنا أتصال لهاتف صديقي سلطان , أجبرني ذلك الأتصال على السكوت والأستماع فقط :
سلطان

((

هلا والله بالغاليه , ما بغيتي تقومين من النوم , ما تسوى علينا هالأختبارات اللي حرمتنا سماع صوتك وشوفتك يا حلوه , أكيد الحين شكلك يخوف وشعرك طاير لأنك نايمه من المغرب للحين , هاه وش سويتي مع دكتورتك الغبيه اللي رفضت تعيد لك أختبارك , عساها قبلت العذر الطبي اللي دبرته لك , قبلت العذر ؟ الحمدلله , شدي حيلك ولا تروح عليك نومه مره ثانيه ثم يفوتك الأختبار, توصيني شي , شنو بغيتي , بغيتي أجيب لك عشاء من هارديز الحين , تأمرين أمر , بس ترى بجيبه وأنزله عند باب البيت وأمشي لأن معاي صديقي يالله نشوفك على خير والله الله بالمذاكرة ))

أنا :?
أفاااااااا يا سلطان , مسوي محترم وولد ناس واخر شي تغازل ؟ ?

سلطان?
:

أنا اللي مفروض أقولك افاااااا , لأنك تشك فيني وأنت تعرفني زين ياصديقي .

البنت بنفس البيت اللي ساكن فيه أنا , وتحديداُ بالغرفه اللي بجني غرفتي , لأن هذي المتصله أختي ? (( وعلامة الثقه تملئ محياه)) .
أنا ?.
:

من جدك تكلم أختك كذا ؟ والله أنك منت بصاحي , أجل فيه أحد يكلم أخته كذا ويعرف كل شي عنها ؟؟

سلطان ?
:

نعم فيه ناس تكلم أهلها كذا , تدري ليه ؟؟

أنا : ليه ؟؟
سلطان :طيب , لأن البنات يحتاجون للحنان ومعامله طيبه من أخوانهم عشان ما يلجؤون أنهم يدورون عنها خارج المنزل مع الصالح و الطالح , فهمت الحين ليه أعامل أختي كذا ? ؟؟
إنا : ايه فهمت
سؤال/ لو كل أخ يعامل اخته مثل سلطان ، أو كل اب أو أم يعاملون بناتهم مثل سلطان .. هل سيسكنون في قلوب الغرباء؟

سؤال / هل طريقة تعامل سلطان مع اخته صحيحه ؟؟؟

نريد نشوف وجهة نظركم في هذا الموضوع
شفت هذا الموضوع في منتدى ولاختلاف الرئي أحبب ان ارى رئي أخوتي اعضاء انا شيعي

[دلوعه وتحب تدلع]

فيالواقع انا سعيدة بأن كنت اول من وطأت قدمه على هذا الموضوع الاكثر من رائع....
طريقه تعامله مع اخته كانه حلوه الان بعد من حق اخوه يعرف عنه
وصح كلامه علشان ماتدور ع الحب والحنان والعطف من الخارج
هذا رائي انه
حلو الحوار
ثانكس ع الطرح
بالتوفيق
تحياتي دلوعه وتحب تدلع

[الروح الفاطمية]

الْلَّهُمَّ صَّلٍ مُحَمَّدِ وَ آَلِ مُحَمَّدٍ ..
مَوْضُوْعٌ رَائِعْ وَ جَمِيْلِ
مُوَفَقِيّنْ يَارَبْ
برايي مبالغه فيه .. و ماعتقد اخ بسوه لاخته كذي .الا بالمسلسلات ..

[شيعيه ابا عن جد]

صحيح المعامله مبالغ فيها جدا

ولها آثآر خطيره من خلال مامر علي فصديقتي عدها اخ من كثر مآيعآملها بحنان ويدلعها
اصبح يشوف نفسه وكانه خطيبها استغفر الله يعني وايد تعلق فيها وتعلقت فيه
لدرجه انها اتقول حتى لو تزوجت ماراح يصير مثل اخوي مستحيل؟
لان البنت بطبعها عاطفيه ويجب ان يكون هناك حدود في المعامله ان لايقسى عليها الا في حدود ويعاملها بحنان بحدود

شكرا لكم ع الموضوع من جد شآغل بآلي كثيييرآ

واتمنى انشوف فيه ارآء آكثثر

موفقين لكل خير يارب

[العلويه الياسريه]

طبعا اني مع ان الاخ يعامل اخته بحنيه وعطف ويدللها

حتا متدور هل شي خارج البيت

لكن الكلام الي دار بين الاخ واخته مبالغ بي شويا

واخيرا
احب اكول
الله يديم اخواني فوك راسي ويحفظهم من كل شر
لان مو كل اخ اخ

[احساس جوري]

فمآ أَرْوَع اَلْمُتَصَفِحَآتِ اَلْتي تَطْبَعٌ فِيْهَآ
بَصْمَتَكَ اَلْفَرِيْدَةِ
سَآكُوْن دَوْمَآ فِيْ شَوْقٍ لِجَدِيْدِكـَ
فَلآ تَحْرِمِْنآ مِنْه
دُمْتَ وَ دَآمَ لَنَآ مَجْدُكَـ
لـِ أَنْفَآسِكـَ

[]

[ترانيم الملائكة]

ياريت لو كل اخ يعامل اخته بهذي الطريقة ..

للاسف الان الاخوة اغراب وهم تحت سقف واحد ..

يعني ..كل من يمشي ورى مصلحته وما همه الا نفسه وبس ..!!

الاخ يعامل اخته وكانها غريبة عنه ..

لحد اني اعرف ناس اختهم تركب مع واحد غريب يوديها المستشفى ..

وهم ما يحركون ساكن ..

ومرة من المرات الطبيب عرف انها تعبانه بالحيل ومحد من خوانها وداها المشفى الدكتور بنفسه وصل لها الدوا لحد البيت ..

وخوانها مستانسين عشان لا يخدمونها ويقولون والله انه دكتورك تمام ..!!!!!!!!!!!

حتى لما عرست تروح تتقضى مع السواقين رغم انه عندها ثلاث اخوان بالبيت ..

وهذا شي بسيط من اللي نشوفه من العلاقات السيئة بين الاخوة ..

ختاما اتمنى ان يكون هذا الموضوع فاتحة خير لتحسين علاقات الاخوة ببعضهم ..

لان كل شي يتعوض الا الاخو ..

ختاما تحيااااااتي دمت بخير ..

تحيااااااااااااااااتي

[ghada]

كل الشكر لك اختي العزيزة على هذا الموضوع المهم
والله ياريت انه الاخ يعامل اخته بهذه الطريقة يعني اذا الاخ قال لاخته كلمة طيبة ماهي المشقة التي يكلفها الاخ المفروض انه سند لاخته في هذه الحياه ولكن للاسف فيه كثير من الاخوة انعدمت لديهم معنى الاخوة وتحجرت الرحمة في قلوبهم
ختاما اتمنى ان يعرف الاخ قيمة اخته ويعاملها بالحسنى
جزاك الله خيرا عزيزتي على طرحك الجميل هذا
وفقك الله لكل خير
لك مني ارق التحايا

[نرجس*]

من جد روووعه و أختيار مميز تسلم الايادي في انتظار إبدعاتك




تحياتي



نرجس

[عاشقة الاعلى]