[فرقة احباب الزهراء]

اهديكم قصيدة للامام موسى بن جعفر ع

هذا الكاظم هاي أنواره


وين الظالم دلني أبداره


______________


ربك عادل لا مو ظالم


وبخلقه هو أدره وعالم


شوف أشكرم موسى الكاظم


خله النور أيشع بدياره


______________


من بعيد أنشاهد كبته


تزهي بعيون الناظرته


ومن توصل تحتار ابطبته


مزدحمه الحضرهأبنصاره


_______________


مزدحمه أحبابه بالحضره


يطوفون وبعيون التجره


واحد يدعي الثاني أيشكره


ومايرجع خايب خطاره


________________


ميخيب أللي يصفي النيه


حاجاته تنحل مكضيه


وحالات أنشاهد يوميه


تطلع مبتشره زواره


________________


هاي الكرامه الشفناهه


ربك للأطهار أنطاهه


كرمهه أبعدله وجازاهه


وسلمهه الحشر وأنهاره

________________


هذا الكاظم شوف أشحصل


فاز أبدينه وصبره الأجمل


لاجن خل أنشوف الأذهل


هارون أشحصل أشراره


________________


خل نندل هارون وكبره


وهم فاده كرسيه وقصره


ولوأصبح سالوفه وعبره


وراح أنطيك أخر أخباره


________________


هاك أسمع أخبار الظالم


مدفون أبطوس وما سالم


تتعناه أدوسه الوادم


وما تقبل بيه وبأعذاره


________________


الشاعر الحسيني


(أبوأمين الفرطوسي )

[ثورة الحسين]

الف الف شكر على المجهود الرائع والقيم
واهدي اليك هذه الابوذيه بقلمي
ـــــــــــــــــــــــــــ
ابشفاعتكم ما اريد محبس _ وخاتم
ايه وحك من صار للرسل حد _ وخاتم
واتراب الطفوف صار العلاتي حد _ وخاتم
وكفاته ما انساه ابن حامي الحميه