[فاطمة ام ابيها]

طريقه عمل (( الباستا ))
المقادير




اول شي نبدء بعمل الصلصه الحمره ..

وهي عباره عن طماطم .. وفلفل اخضر .. ومعجون طماطم .. وماي

وتقريبا .. 3 حبات طماطم .. و نص فلفل اخضر متوسطه .. و معجون طماطم .. كاس ماي

نحطهم بالخلاط ونخلطهم ..

وبعدين نحطهم بقدر صغير.. ونخليهم على نار هادئه لما يصير غليظ ..




بعضهم يحبون الصلصه حمره .. لما تشوفون لونها فاتح زيدوا عليها معجون طماطم بعد واحد ..

انا هنا حطيت 2 ..

بعدين نضيف لها البهار .. ( فلفل اسود .. دقوس .. فلفل احمر .. ثوم مطحون .. كمون.. واشوي ملح ) واي بهار تحبونه ..


وبعدين ننتقل للصلصه البيضه ..

في انواع وايد للصلصه البيضه ..

كل اشخاص يسونها بطريقه ..

وانا سويتها .. 3 مكعبات جبن كيري .. و1 قيمر .. و 4 كاس ماي .. 6 ملاعق حليب بودره .. 7 الى 10 ملاعق طحين .. واشوي ملح

ونخلطهم بالخلاط ..




وبعدين نحطهم في قدر على نار هاديه .. لما يصير غليظ ..

مثل صلصه الباشميل ..



نقطع كوسه .. ومشروم



ونقطع بروكلي



و نقطع شرايح دجاج .. او بعضهم يحبون سجق .. او ربيان ..
و نسلق المعكرونه



ناخذ مقله اشوي واسعه .. ونحط فيه اشوي زيت ونحط فيه اشوي كوسه ومشروم و بروكلي .. ونحركه



بعدين نضيف عليه الدجاج .. مع اشوي ماي .. ونحركه لما يستوي الدجاج .. ويتبخر الماي ..



لما يتبخر .. نضيف عليه اشوي من المعكرونه .. و تقريبا 4 ملاعق كبار صلصه بيضه و ملعقتين كبار صلصه حمره

وحسب المزاح .. بعضهم يحبونه حار اكثر .. فيزيدون الحمره .. والعكس

اذا حسيتوا انها غليظه مره .. ضيفوا اشوي ماي ..

ونخليهم اشوي يغلوو ..



ونحط عليه جبن الموزريلا .. او اي جبن تحبونه .. ونطفي النار ونخلطه معاه

لانه الجبن يذوب بسرعه







هآآي شفته في أحد الموآآقع وحبيبت تشفونة
صج صج لذيييييييذة

ومآآكول العآآفية


:rolleyes:

[عهد الولاء]

وااااااااااااو عن جد جوعتيني :d
ان شاء الله اجربها
يسلموووو يالغلا.

[(سر وجودي)]

يمـي يمـي

جد ششكله مرهه ح‘ـلـوو

ربـي يع‘ــطيك الف ع‘ـافية خ‘ـيتوو

وننتظر ج‘ـديدك

[عاشق الأكرف]

اممممم

ناقصنها صلصلة حمرة شةي وتضبط العملية كلها


تسلم ايدك على الطبخة الحلوة

[لحن القمر]

ياااسلام ..
خووش طبخه تسلمي ايدش ..
ننتظر باقي الطبخات ^_* ..


تحياتي لكم
لحن القمر

[فاطمة ام ابيها]

عهــد آلولآء
سر وجودي
عـآشق ألآكرف
لحــن آلقمــر

يسلمــو لمروركم آلطيب

[حبيبة الحسين]

[ملاك الوجود]

حلا الجيلي
خطير لا يفوتكم
المقادير:
3/1 1 كوب صلصة تفاح وتباع معلبة جاهزة
2 ظرف جيلاتين
2 علبة جيلي أي لون حسب الذوق
2 كوب سكر
1 ملعقة صغيرة عصير ليمون
سكر
الطريقة
أخلطي كل المقادير معا ثم ارفعيها على النار لتغلي
صبي في صينية مبللة بالماء وضعيها في الثلاجه لتجمد على الاقل ثلاثه ساعات
قطعيها مربعات بسكين مبللة بالماء
ثم ضعيها على صينية لينشفوا على الاقل 8 ساعات
ثم دحرجيهم "غمسيهم" بالسكر وقدميها
وبالعااااااااااااااااااااااااااااافيه





البيتيفور
المقادير:
1 ونص كوب كريسكو
1 ونص كوب سكر عادي
نص كوب حليب
4 بيضات
5 اكواب دقيق تقريبا
6 ملاعق ب.ب او 4 ب.صودا

الطريقة:

تكور العجينه دوائر صغيرة "وطبطبيها" يعني فطسيها
حطيها في صينيه وادخليها الفرن الى ان تصبح حمراء
لمن تبرد ادهني داخلها مربى مشمش ونحط طبقتين على بعض واأضغطيها حتى تخرج المربى قليل خارج البسكويت عشان تقدري تلصقي عليها الفستق المبشور او الشوكولاته او نارجين
وقدميها وبالعااااااااااااااااااااااااافيه