[رحيم الحسناوي]

اللهم صل على فاطمة وابيها وعليها وبنيها بعدد ما احاطه علمك
اللهم صل على محمد وعلى ال محمد الطاهرين
وعجل لمولانا الفرج وانصره واهلك اعدائه من الاولين والاخرين انك سميع مجيب الدعاء
البرنامج الكامل لليوم السابع من محرم 2012
ـــــــــــــــــــــــــــــــــــــــــــــ


ردتك يقاسم امك توافيهه...ليش على نارك يالضنه تخليهه
امك يدر حاجيهه...يالفكدتك تاذيهه
ليش على نارك يالضنه تخليهه

ــ
لوعني حالك والهضم يبرالي..من شفت ابوك اتعنه الك يالوالي
شفته لونينك ون ونين العالي...ناح عل نحرك والنزف يالغالي
يلطم عليك وينتحب لمصابك...خضب جبينه من الدمه البخضابك
والعايله يصد ليهه...يالفكدتك تاذيهه



يالوصّلت كلبي بعذاباته اوصال...راواني دهري بفكدك الوان اشكال
بيه شكثر هم يالطهر ما ينكال...اصغرهن لكلب اليودك جتّال
جتلتني عملة كربله وبلواهه...يافجعه منهن يالولد وانعاهه
شوف امك ومر بيهه...يالفكدتك تاذيهه
ليش على نارك يالضنه تخليهه





اَنه لفكدتك ضيعت كلب وعين...بس شارد اكولن ياهلي بحال حسين
دارت عليه اهل المجايد صوبين...تطلب جتل من بدر ابوكم وحنين
تطلب سلف عتبه من ابو الاكبر ثار..فوك الخيم شبو على الزهره النار
هدت اميه عليهه...يالفكدتك تاذيهه




شفتك ييمه مهشم وخاوي الراس...مارحمتك يبن الحسن هاي الناس
جتالك بروح الكلب يالحر داس...شفت الدمع والعبره جتلت عباس
ناحت على مصابي الارض يالمهيوب...وعلى البكو دور العذابات انّوب
طاح القمم عاليهه...يالفكدتك تاذيهه
ليش على نارك يالضنه تخليهه




كلت الكلب يبن الحسن بيك ارتاح...وبحنتك ما تبكه بكليبي جراح
صيوانك وعرسك يبن حيدر راح...زفة عرسنه مطبره بروس رماح
حركو دليلي بجتلتك عدوانك...واصبح رماد بطيحتك صيوانك
منهو امك يباريهه...يالفكدتك تاذيهه
ليش على نارك يالضنه تخليهه




نار الخيم فوك الفواطم حمره..واهل الشيم تدمي وتون عالغبره
هم شافت الصار وجرالي الزهره...يوم الونين اصبح يواسي العبره
هم حضرت وشافت ولدهه وهمهم...هم ناحت على خضاب ابنهه ودمهم
جن زينب تحاجيهه...يالفكدتك تاذيهه
ليش على نارك يالضنه تخليهه



نزله
مضلوم يبن الحسن
ـــ
شد على عتاب المنايه بغيرته...من عزم حيدر يقينه وصولته
عالضلم ثاير كمرنه بمهجته...عالحرم ناصب مراده ونضرته
مضلوم يبن الحسن
ياصبر يبكه بكلبهم ياصبر...من هجم جيش الخوارج عالخدر
لملم جيوشه ورفع سيفه الشمر...دارت حشود النواصب والغدر
مضلوم يبن الحسن
صد على حسين البطل يوم الطفوف...كله غيرك ماهوت عيني وتشوف
انحر جيوش العده وافني الصفوف...والعزم بيه من الاكبر والجفوف
مضلوم يبن الحسن
اَنه ابن شبر علي وشبل النبي...اَنه ابن بيت الكرامات الابي
وسفه زينب للنواصب تنسبي...سيفي عالكافر يلوح ومطلبي
مضلوم يبن الحسن
ماهوت عيني النظر بعد الحُسين...عميه من بعد الاطايب كُلُّ عين
غدرته جيوش العده وحقد الدفين...والجفيل الناذر اليسره ويمين
مضلوم يبن الحسن
ياامام النصبك ربك امام...وسفه تبكه ميسّر بنص اللئام
مانفع ويه الكفر نصح وكلام..تحشدت لاَل النبي اولاد الحرام
مضلوم يبن الحسن
لعنة الله على النشب قوسه ورمه...ويطلب من اَل النبي الثار ودمه
والنضر زينب عسه بعينه العمه...بت علي الوالي وسليل الغانمه
مضلوم يبن الحسن







نزله
اَنه القاسم شمعة شبر
اَنه القاسم شمعة شبر
ــــــــ
اَنه ابن الثابت عنوانه...اَنه ابن الوارف ديوانه
عالي بنور الحك صيوانه...ما طخّ الراس لعدوانه
والداي لكل ظالم مغتر
اَنه القاسم شمعة شبر
اَنه القاسم شمعة شبر
افنيهه ويشهد ميداني...خل تعرف جمعة عدواني
ابن الحر حيدر وصاني....نصرة نور الدر نيشاني
ماعوف الزهره من اتوذر





مشهوده على الحك صولاتي...ماثنّي بسيفي وطبراتي
للموت انذر والحك ذاتي...لحسين اعلكهن شمعاتي
لابن الزهره يهون المنحر






جم حاقد كافر خاصمنه...جم مغتر ظالم حاربنه
نفدي حسين وكومه بدمنه...وسيوف الباطل متهمنه
ميهمنه بجيش الشر لوجر
اَنه القاسم شمعة شبر








اَنه ابن الزهره المضلومه...اَنه ابن البضعه المحرومه
بجفوف الكافر مدمومه...ماتت مقهوره ومهضومه
عادتهه فلول ابن المنكر







بالطف امحي الشر عن عمي...وافديهه لزينب وبدمي
عالخدَّر كل لهفي وغمي...ريت الدك خيبر لو يمي
يلحك لخدور اهله وينغر
اَنه القاسم شمعة شبر
يوتيوب باوزان اللطميات
http://www.youtube.com/watch?v=Qlq1VzcLnVQ

[رياض الرسل]

السلام عليكم

رحيم الحسناوي

موفق على هذه الكلمات الرائعه
اسأل الله قبولها منك

رياض الرسل

[الشاعر حسن خليفه]

اللهم صلي على محمد وال محمد

الاخ الغالي رحيم الحسناوي المحترم

قصيده جميله بجمال روحك اخي الكريم

جعلها الله في ميزان حسناتك

وثبتنا الله وياك على ولايه امير المؤمنين عليه السلام

شكرا لك ولاتحرمنا جديدك

تقبل المرور والاحترام

الشاعر

حسن خليفه

تحياتي