أخواني أعزائي
هذه القصيدة طورها طور قصيدة
أعذريني أعذريني
والتي يؤديها المبدع باسم الكربلائي
تودعــــوني ** تودعونـي *** يبويه مـــن تودعـــوني
أبقه بغربـــــــــه مهمومة *** ونار ألفركــــه تجويني
************
يبويه لـــــــو ضعنكم شال *** يا هو اللي يضل عندي
وأخذت العايلـــــــــه وياك *** وبقيت بغرب وحـــــدي
لا خــــــــل لا أنيس وياي *** وأنت التعــرف بكصدي
عليلة شلـــــــــون تبقه هنا *** ويا هـــــــو الياخذ بيدي
تعوفـــوني ** تعوفـــوني *** ويّــا مــــــــــن تعوفوني
عليلة وتعــــــــرف بحالي *** ونار ألفركــــــه تجويني
**************
أنه أدري بعليـــــــل البيت *** أهله تـجـتـمـــــــع حوله
هــــــــــــذا يمد إله فراشه *** وذاك يمــــــــــدد برجله
وإذا حـــــان الأجل لو حل *** أهله أتـديــره عـــل قبله
وأنــــه بلا أهــــــــــل أبقه *** غريبة عليكـــــــم موجله
دمــع عيني ** دمع عيني *** مــــــا ينشف دمع عيني
إلا بـمـشـيـتـــــــــي وياكم *** ونار ألفركـــــه تجويني
**************
يبويه كــــــــــول أتحمّـل *** عـلـتــي وأصبــــر عليها
وإذا عـلـتـــي عَلـَيْ تشتد *** أفرض أنـــــــــه أداويها
يغالي فركــــــه الأحباب *** كلــــــي أبـّـيــش أداريها
صعبة فركـــــــه الغالين *** وأظن موتي يحــــل بيها
تيتمــــوني ** تيتمـــــوني *** إذا رحتــــــــــو تيتموني
وأضل كل دهري أتحسّر *** ونار ألفركـــــــه تجويني
*******************
أذا عني رحـــل ضعنك *** أبقه وحيده وســـــط الدار
وأكوم أتذكــّـــــر أيامي *** ومن عندي الدمــع مدرار
أكـــول هنا أنــــه وأمي *** كعدت يمّـــك يبو الأحرار
ورقية هنا أنــــــه وياها *** لعبت ويّـــه أخت الأطهار
تسلينــــــي ** تسلينـــي *** كــل ذكـــــــــرى تسليني
وأنســــــــه بيها فركاكم *** ونـار ألفركـــــــه تجويني
**************
لضل أتسلــّــه ويـّه الدار *** وأنشدها عـــــن الأحباب
مــــــــــره أنــــه أسئلها *** عـــــن أهلي ليوث الغاب
ومــــــره هيـــه تسألني *** يمته تعــــــود إلي الغياب
وكلها مــــــا أظن ترجع *** بعد يــــــــم بابج الأطياب
تذكرينــــــي ** تذكريني *** يـــــــــــدار أنت تذكريني
بأهلي وبأعــــــــز ناسي *** ونار ألفركــــــــه تجويني
**************
يبويــــــه روح الله وياك *** ويسهّـــــــــل إلك ممشاك
بس عنـــــدي طلب يمك *** أريد أتوادع أنــــــه وياك
وداع فــــــــراك يعيوني *** لأن ما ظن بعـــــد ملكاك
وأدري هــــــاي رحلتكم *** مترد منهــــــــــا وأتلكاك
يأذينـــــــي ** يأذينــــي *** لمـــــــوادع يـــــــــأذيني
خلــّـه يطــــــول الموادع *** ونار ألفركـــــــه تجويني
بقلمي
خادم الأطهار ( ع )
قاسم حتروش
وداع العليله (ع) مع أبيها
العرض العادي
