[الشاعرخالدالسعد]

ليش احنا العرب هاكد تأخرنا؟

ليش ابن الغرب فرق السمة عنة؟

ليش ابن اليهودي بعينة صغّرنة؟

تحت رحمة امريكا وروسيا احنا انعيش

يا أمة محمد كلهة ذلتنة

ليش ايموت جوع الطفل بالصومال

ونشوف ابن الخليج ابقصرة يتهنة؟

ليش ابن العرب ضل يشتغل زبال

بلندن _والاجانب تنتقص منة

ليش القدس داست بيهة البساطيل

وليش بكل كتر امريكا تملكنة؟

ليش المسلمين امدمغة لتاريخ

وياهو اللي يجي ابصطالة يسحكنة؟

ليش المسلمات انغصبن الصهيون

والمسلم امجتف عايش ابحزنة

ليش بكل عربنا الدم يسيل انهار

ليش الاضطهاد_الظلم والمحنة

ليش اسلامنة يتسمى هسة ارهاب؟

وتذابحنة ابأدينا الشيعة والسنة

ليش اجفوفنة اليهسة مفترقات

لا بالدين واحد كدر وحّدنة

ولا من بالسياسة اثبتنة عزّتنة

منو يكدر يجاوب ليش هيج احنة؟

خندّوّر اسباب وللوراء انعود

نلكى اول سبب احنة التفرقنة

وأكيد ابتفرقتنة تأخرينا قرون

لأن كل الغرب ضل يشرب ابدمنة

شعجب حكامنة سقطو للاستعمار

لانهم فاشلين ومو كفو المحنة

وذا صفّحت كثرة اترجّع التاريخ

سبب يربط سبب مرتبطة قصتنة

الى آخر سبب تلكى الجواب اهناك

هناك اكبر سبب للطحنة بيه احنة

الا وهو الرئيسي ومفترق الاسلام

السبب هو السقيفة الخلقت الفتنة

[الشاعر حسن خليفه]

اللهم صلي على محمد وال محمد

بارك الله بك اخي خالد السعد

قصيده جميله جدا

الا لعنه الله على من تامر على الدين في السقيفه

وزرع الفتنه بيننا

... تفبل مروري

خادمكم الشاعر

حسن خليفه

تحياتي

[الشاعرخالدالسعد]

الرائع اخي وحبيبي حسن خليفة لمرورك تقف كلماتي اجلالا واحتراما
لا عدمنا من اطلالتك الرائعة

[كريم السعبري]

اخي خالد
متى يستنهض الضمير عند الذي ماتت ضمائرهم
كان ومازال كابوس السقيفه يلاحقنا الا لعنة الله
على اول ظالم ضلم محمد وال محمد
قصيده رائعه اتمنى لك التوفيق

[الشاعرخالدالسعد]

اهلا وسهلا بك اخي كريم
وشكرا لأطرائك وطيب مرورك

دمت بود

[ابو ياسر الكعبي]

ونيويورك كعبة اتطوفها الحجاج ؟؟؟

وشباك الحوايج حايط امذهّب ...

كانت ومازلت حكام العرب تؤدي فروض الطاعه والولاء..

الاخ خالد السعد


احسنت القول وابلغت المقال
وفقك الله اخي الكريم

[قاسم حتروش]

اللهم العن السقيفة ومن أسس السقيفة
تحياتي
للمبدع خالد السعد

[الشاعرخالدالسعد]

اقتباس : المشاركة الأصلية كتبت بواسطة ابو ياسر الكعبي [ مشاهدة المشاركة ]

ونيويورك كعبة اتطوفها الحجاج ؟؟؟ وشباك الحوايج حايط امذهّب ... كانت ومازلت حكام العرب تؤدي فروض الطاعه والولاء.. الاخ خالد السعد احسنت القول وابلغت المقال وفقك الله اخي الكريم

احسن الله اليك ابوياسر

شكرا لأطرائك العطر

دمت بود

[شاعرة الحسين]

الله ياشاعر خالد
قصيدة راااائعة
ربنا لا يحرمنا من ابداعاتك يا مؤمن
لعن الله من كان السبب في فتنة السقيفة و بالفعل هي المنطلق الاول لكل الاضطهاد و الظلم و الماسي التي عانت منها الامة
عجل الله لنا بضهور سيدنا و مولانا المهدي المنتظر لنشر الدين و بسط العدالة

[الشاعرخالدالسعد]

اقتباس : المشاركة الأصلية كتبت بواسطة قاسم حتروش [ مشاهدة المشاركة ]

اللهم العن السقيفة ومن أسس السقيفة تحياتي للمبدع خالد السعد

تسلم يالغالي

ممنون لمرورك العطر
تحياتي