[مرتضى شكر]

يامسهل ياالله
للقاسم بن الحسن(ع) شعر: مرتضى شكر
ياجسام شمعة عمرك --- شمعة عمرك ياجسام
جف القدر طفاها --- والدهر ماينساها
ياجسام شمعة عمرك --- شمعة عمرك ياجسام
------------------------
يبني أوياجبرة دلالي ----- يانور إعيوني أودنياي
شمعات إسنينك طفوها ----- يوليدي أوياشتل إصباي
شفتك تنزل سوح الكلفه ----- سباح أمالي أوسلواي
بالألام غنتب فجرك ----- غنتب فجرك بالألام
ياجاسم يابدر أحلامي ----- إضلمت بغيابك أيامي
ياجسام شمعة عمرك --- شمعة عمرك ياجسام
---------------------- 1
ياكمرة عيني الماغابت ----- لحضه أولاهجرتها إضنوني
زفتك جانت قصر أحلامي ----- وأتنطر بيك إيهنوني
إعلكت إشموع الزفه إضلوعي ----- حنه إعجنت إبدمع إعيوني
هالأحلام خلها إتخبرك ----- خلها إتخبرك هالأحلام
ماضني إبحنتك من دمك ----- بأرض الطف وإيفجعون أمك
ياجسام شمعة عمرك --- شمعة عمرك ياجسام
--------------------- 2
تانيت إسنين أنطر شتلك ----- يفرع وإعيوني إتباريك
تتسله آمالي إبضحكاتك ----- جروان إدموعي اليرويك
وإيورد شتلك يوليدي ----- لن كاع الطف إتناديك
شد إحزام ثورة صبرك ----- ثورة صبرك شد إحزام
وإتحدى الموت إبأصرارك ----- لوح الأستشهاد إختارك
ياجسام شمعة عمرك --- شمعة عمرك ياجسام
--------------------- 3
ودعت أمك بأرض الغربه ----- ولحوفت عرسك طبيت
إرماح إعداك إشموعك يبني ----- وإسهام الكلفه الجكليت
إتخلد للتأريخ إسطورك ----- للمبدأ بالدم ضحيت
للأسلام توفي إبنذرك ----- توفي إبنذرك للأسلام
ثاير لأجل الحك عنوانك ----- خالد والشاهد ميدانك
ياجسام شمعة عمرك --- شمعة عمرك ياجسام
---------------------- 4
يالعريس الله إيعين أمك ----- شافت جسمك عالتربان
إشموع إسنينك تجري الدمعه ----- وإتسامرنزف الشريان
إبدم نحرك متحنيه إجفوفك ----- إنشوده لكل الشبان
عرسك دام آية نصرك ----- آية نصرك عرسك دام
يوليدي أوياحلم إسنيني ----- بالغربه إشلون إتخليني
ياجسام شمعة عمرك --- شمعة عمرك ياجسام
---------------------- 5
لتلوم أمك يوحيدها ----- لويصبح ديدنها النوح
شافت جسمك بالدم سابح ----- يالغالي أوياروح الروح
ياسلواها الله إيساعدها ----- عريس إتشوفك مذبوح
هالظلام داست صدرك ----- داست صدرك هالظلام
إشلون أمك تحبس دمعتها ----- ريح الشر طفت شمعتها
ياجسام شمعة عمرك --- شمعة عمرك ياجسام
---------------------- 6
25ذو الحجة 1432هـ المصادف22/11/2011م --- النجف الأشرف

[أم كميل الكلابيه]

السلام عليكم ورحمة الله وبركاته
مأجور أخ مرتضى على القصيده الولائيه
وجعلها الباري في ميزان حسناتك
تحياتي الأخويه

[رياض الرسل]

السلام عليكم

مرتضى شكر

القصيده اكثر من رائعه
واسال الله قبولها منك يارب

رياض الرسل

[قاسم حتروش]

جف القدر طفاها --- والدهر ماينساها

لا والله مايناساها

الأستاذ مرتضى شكر
بوركت الأنامل التي كتبت
وبوركت القريحه التي نطقت
تقبل مروري