الى الآباء الحسينيين الذين غرسوا فينا بذور العشق الحسيني
نقدم هذا العمل المتواضع راجين الله تعالى ان يتقبله منا بقبولٍ حسن
قصيدة خادم المأتم
على اليوتيوب من هنا
فتحت العَين .. لكَـيتــــــــك خـــــادم المأتم
حَبيب احسين .. عَـليهِ اعيونـك اتصب دم
سألت الروح عن سِرّ العشكَـ وينه
يبويه شصار كَـــــــلي بينك وبينه
1
يبويه الذكريات اتمُر على عينـــــي حلم صافي
وَشوفن طيفك ايداعب شعوري جن حضن دافي
اشوفك من يمر عاشـــور ساهِر و الجمِـع غافي
و اشوف بجفنك الدمعه دوه ولجروحك اتشافي
على المنحور ... دمع عينك على الضامي
دمِـع من نور ... يبويه وضـــــــــوّه أيامي
فتحت العين لكَــيتك خادم المأتم
2
يبويه و أذكر ايامك ... تِعَـلـِّـمني و تِرَبينــــــي
اعله حُب احسين كِل عُمرك ترشدني و تدليني
وي كل شربة اميه أَسَــلـْـمِ اعليــــــه تِوَصيني
ولو حل عاشِر الاحزان للماتم تِــــــــودينـــــــي
وطن آهات ... سِكنته و ضاعت الغـُربه
عدل ما مات ... عَـــرفت الي سلك دربه
فتحت العين لكَــيتك خادم المأتم
3
يبويه بساعة اوداعك .. اذكر من لفــاك الموت
اذكر ما نسيت احسين .. تِكَِلـّي اليعشكَه مبخوت
اشوفك مبتشر وأسمع وصيتك وبحنين الصوت
تناديني و توصينـــي ... احطن تربه بالتابوت
يبويه ابحين ... دفنتك عِطره شَـــميته
عَبير احسين ... يبويه ابكَبرك الكَيته
فتحت العين لكَــيتك خادم المأتم
4
يبويه و مرّت الايام .. كبرت آنه وصرت خادم
و بعمق المشاعِر ضل ثغر الفاجعــــــــه الباسم
صح دَمعي على الخَدين خَطين الحـِـــزن راسـم
لجن يابويه بدموعي اكشَفِت سِر دمعـك الساجم
عرفت اسرار ... محبـــــــة خادم العتره
قريت افكار ... سبب عشكَك بني الزهره
فتحت العين لكَــيتك خادم المأتم
5
غريب الما يعرف احسين .. يبقه ابعالم أوهامه
تايه مهما جَد بالسير .. ما مش قيمه لجدامه
يضل حيران بسنينه .. طعُم ما إلهه أيامه
و ما يدرك منى روحه.. وَ لا تِتحقق احلامه
ابو الاحرار ... نهج واضح صُبح مبدأ
ابو الثوار ... الك ملجأ و الي ملجأ
فتحت العين لكَــيتك خادم المأتم
سألت الروح عن سر العشق وينه ؟؟
العرض العادي
