في الامام العسكري
وزن الموشّح
الليلـه أعذب لحـن نعـزف للخلـود
إنبيع كل شي وكل شي بالحُب نـشتري
مثـل عـابس من نحِب نهـوه ابجنـون
انطبـع بينـه كـل جـنـون الشـاكـري
الليلـه يـاروحي الحـزن خلّيـه وراچ
وردّدي أنـغـام الـفـرح وسْتـبـشـري
حَطـُّمي صمت الهمـوم اللي طـواچ
وكسِّـري اقـيـود الحـزن وتْحَــرّري
إختـاري أجمل ثوب عندچ ورتِـديه
وحيري بـثـيـاب الحِسِـن وتحيِّـري
كحِّلـي عيـونـچ بـآيـات الجـمـال
حـتّـه بـعـيـونـچ أكحِّـل نـاظــري
طوفي بـاوزان الشعـر طَـوف الخيـال
الليلـه أريـد ايكـون جـوِّچ شـاعري
هــاذا أوّل مـوعــد وأوّل غـــرام
لحظـه عـن مـوعـدچ لا تـتـأخِّـري
ترجمـي إمـلاگـه الحبيب اُويه الحبيب
إبشـاشـة اعيـون الغـرام إتْـصــوِّري
للحبيـب إتْـفـطِّـري رقَّـه وحـنـان
إعْليـه مـن كـل الـعَـواذل حـاذِري
ذوبي حتّه العظـم بـل حتّـه النخـاع
صيـري شيـعيـه الـهـوه وتْـبَـختري
وأُكْـفُـري بكل عشگ للحُب مايثور
وسـجِّـلي التـاريخ كلّـه إبـدفتري
مـا أريـد الحُـب ضـنـون وأُمـنيات
آنـه أريـد الحُـب حُـسيني وحيدري
بيعـي كـل ما تِـمِـلكينه امن السنين
اُوّي بَـني المُـختار بالحُـب تـاجري
إسْـتَقبلـي ابوجـهـچ تَـراتيل السماء
وردّدي بـصـوت الأذان وكـبّـري
إسْـتَبشِرَت أرض وسمه بنور الجليل
لأن رب الكون گـال إلها إبْـشِـري
هـذه ثـامـن نور من ولـد الحسين
بيـه يـا أرضي وسمـائي إتْـنَـوّري
شـاء ربّـچ يغـفـر اذنـوب العبـاد
بفضـل مـيلاد الامـام العسكـري
ابو ياسر الكعبي
موعد غرام...
العرض العادي
