سِيوُف الطَفِ طافتْ حين نادتْ .... أنتَ بالحق فَنيْتَ الظُلمــــاتْ
أنتَ نُورٌ سَيْفُكَ يَجليِ الطُغــى .... بنِجومَ الحَرْب ترمي العاديات
ميادين المعارك ومضة بيهـــا اتصيـر .... من فارس شجاع بفزعة الحمـــــــلات
يرسم بالصور من صولتـــه وبالسيف .... ويثني القصيدة ويطبر الابيــــــــات
ومن خوفة الصدر يتخطـــى بالميـدان .... ويتقفى العجز بالجملة وانطي اثبـات
مسلم خط قصيدة بمهرجــان المـوت .... وعنوان القصيدة ثائر الرايـــــــــــات
كل بيت اليخطة بيه اعـــد مــــولاي ..... ويرجع بالصور بس اقوى من الفــات
بيها المفردات اتهيــــم بن النــــاس .... ويطوف ارتجالي بسيفة عالهامـــــــات
حد بغيرته وصــــاح الاذان اللــــــــه ..... هد الكوفة مسلم طبك الكلفـــــــات
والمسلم حقيقة اتخفت اعلى النــــاس .... مثل عباس يجذب جمرة الصــــــولات
صد وجه الشمس محتــــار ون يــدور .... يصد ارض الطفوف ويرسم الحــــالات
حالة للحسين بنحرة حــــز سيــــوف .... وحالة للكمر خلة الجيوش اشتـــــات
وحالة المسلم بسيفة الرفيق ويــــــاه .... هد الغيض كلة وشرد اهل الـــــــلات
جمع قرص الشمس خطين بين الكون .... كوفة وكربلة متخصص الومضــــــات
المن يقتبس واليـــــا قصيدة يريــــد .... كل بيت اليشوفة حروفة جنهـا أيـات
متصدرة القوافي بكل ســـطر مكتوب ..... من اركاب عدوان الكرم والــــــذات
معروفة الحقيقة هواي بيها الــــواح .... متروية الدمة من حمرة الـــــوردات
جم عين الروت بيها الجفن مـن ذاب ..... وجم خد انحفر وامبين العثــــــرات
ماسامع ورد يذبل بجرف المــــــــاي ..... ولا شايف جفن يتسلة بالدمعــــــات
وانت السيف بيدك مايضمة كــراب ..... بركاب الاعادي اتسلة بالطعنـــــــات
روة الميدان من دمهم يشد الغيـض .... ويخط احلى المعاني باجمل اللمســات
شاعر للحسين ودز قصيدة اتكــــول .... ضمير اهل الوعد بالكوفة خان ومــات
خادم اهل البيت عليهم السلام
ثائر الرايات ...... بقلم احمد رفيش
العرض العادي
