[عدنان منعم]

علا جنح الطير ابعثلك سلامي.يالحسن للموت تبقى انته امامي
ياامامي يالحسن.ياامامي يالحسن الحسن
...............................................
حالي عوزوماكدرت اوصل واجيك
الدنيه حيل وياي تجفــــي وارتجيك
لو ضريبة دم انه بدمـــــي افـــتديك
حملي هم وانه اذب حمــــلي عليك
حملي ذابحني تعال وشوف حالي.سوده يامولاي بهظتني الليالي
يامامي يالحسن.يامامي يالحسن
................................................
الناس زارت وانه عن كبرك بعيد
هيه مره الثــــــــــــلم اترابك اريد
يلي حبك شـــــــــي خرافي لافريد
واحنه عن حبـــــــــك ابد لااحيـــد
كون وي زيارتك تخلص سنيني.صح فرح مولاي بس هم تجري عيني
يامامي يالحسن. ياامامي يالحسن
................................................
هيه طلبه اوصل اتراب البقيع.واحضن اترابك يبن ذاك الشفيع
انه خادمكم واظل الكم مطيع.وحبكم بصدري يغطي كل وسيع
يبقى حبكم ساكن بروحي وفوادي.وانه بس الك يظل دائم ودادي ياامامي يالحسن.يامامي يالحسن
لملمت روحي وجروح البيها كون
مايصح غيرالحسن للشـــيعي عون
لابد الشيع هالك موكــــــــب يجون
ونسحك علااخشوم وانفكس عيون
توصلك هاي المواكب كله يمك.ادري وسط ارجاس ماينحمل همك
يامامي يالحسن.ياماماي يالحسن
................................................
روحي غير العتره مارادت حبيب
بس علي واولاده للعـــــله طبيـــب
الوالاه ال البيــــــــت ابدامايخيب
بغيرهم الباري لامايستـــــــــجيب
بغيرال البيت مرفوضه الشفاعه.همه اصل الدين والحق والقناعه
ياامامي يالحسن.يامامي يالحسن
..................................................
يالحسن بالكبر رايد لو صـــــرت
لويصير احســـــاب وانه اتحيرت
ادري تحظرني وانه بيــــكم همت
وعالمنابرياما بيـــــــــــكم رددت
عالمنايراقره وادموعي يهلن.والجفوف اعله الصدر يبقن يلطمن
ياماماي يالحسن.يامامي يالحسن خادم الحسين عدنان منعم

[عاشقة زينب ع]

احسنتم وبوركتم

سجلها الله في موازين حسناتكم

وفقكم الله

[كريم السعبري]

موفق لهذه النصوص الجميله
وفي ميزان حسناتك
اخوك السعبري

[الروح]

بوركت الأيادي واسعد الله ايامكم بميلاد كريم أهل البيت
جزاكم الله خير الجزاء لهذه القصيدة الرائعة ..؛
تقديري

[ابوتكتم الخير]

عدنان منعم الشاعر
أحسنت على هذه الكلمات الولائيه
كتبت في صحيفة أعمالك
متباركين