[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

مُصــــــــاب الجــــــــــواد ( قصيدة كعده )
ــــــــــــــــــــــــــــــــــــــــــــــــــ ـــــــــــــــــ
إﮔصــــد للجواد إو صيح مولاي === من ظلم النواصب جيت ﺷﭼـّــــاي
ماعدهم أبد دين === والباطل نهجهم
ـــــــــــــــــــــــــــــــــــــــــــ
باﻟﮔلب مولاي غصّه إو بي ألم يروي مُصابه
وإبتدى هذا الألم من خالفوا الله إو كتابه
تركوا الحامي علي ذوله اليسموهم صحابه
من نصّبَه أحمد ولي == حقدوا على حيدر علي
صار الحقد واضح جلي == كُل مُحــــب أضحه إبعذابه
وإنتم سيدي راووكم البين === أعـــــداء الهُدى تركوه للدين
ما ذكروا نبيهم === والباطل نهجهم
ـــــ
يالجواد المنزله نلتوها من يوم الولاده
وإلكُم الملجأ غداً يوم الحشر يوم السعاده
والمُحب فرحان بيكم يعتلي إو ياخذ مُراده
والراد مَيْشوف اللظه == ينخاك ياإبـــــــن الرضا
بالخير والجاه إيحظه == نعمة الباري العبــــــاده
بيكم سيدي بالمحشر إنلــوذ === من شر كُل مُعادي بيكم إنعوذ
من شر الشياطين === والباطل نهجهم
ـــــــ
ياإبن أحمد جواد إنتَ إو عِلِم حاوي إو أصاله
ترتقي إبنورك يبو الهادي بدر يبن الرساله
إنتَ ينبوع الكرم والجود يروينه إبزلاله
نبعه إو علت من حيدره == علمــــــــك محمد مصــــدره
إنتم جنان إو مُزهره == بيكـــــم إتموت الجهاله
إنتم سيدي ميزان الأعمــال === بيكم نحتمي من عظم الأهوال
من ظلم النواصب === والباطل نهجهم
ـــــــ
واجهت ياسيدي الأحقاد من أهل الضلاله
من بني العباس والمأمون حاقد بي نذاله
والنواصب هالوكت عدهم حقد نفس الحُثاله
ذوله طغوا بسم الهُدى == نــــاس إو ﺑﮔـــــت متعوّده
إجرام عدهم والرِدَه == ناكـــــــــري الله إو جلاله
إرهاب إو قتل للناس مولاي === نفس الماﺳﮔوا عبد الله بالماي
نفس أعداء الحسين === والباطل نهجهم
ــــــ
ودعوا ياشيعه الجواد اليوم عزّوها الزﭼيّه
سمّتَه الزمره الخبيثه وإرتفع للعالي ضيّه
بالجواد اليوم عزّوه النبي سيد البريه
عزّوا حيدرنه الأشم == بِبْنَه الأبي هذا العَلَم
نادوا يغايب وإبألم == صابــت الروح الرزيّه
نادوا ياولي إظهر يموعود === عاثوا بالأرض والباطل إيسود
نفس العدهم أحقاد === والباطل نهجهم
ـــــــ
المُصيبـــــــــــه
ــــــــــــــــــــــــــــــــــــــــــــــــــ ــــــــــ
ياأبو صالح لفانه الضيم من ذوله النواصب
حرفّوا دين الهدايه إو جرّت إعلينه النوايب
رافضي إيصيحون من أندب علي عالي المراتب
نرفعلك الشكــوى إبأمـــل
إظهر يبن خيـــر العمـــل
نشروا على الناس الدجل
إنهي الخوارج والجهـــل
قيم العدل وإمحي الزلـــل
جيشك يبو الغيره كمــــل
وإحنه نتنطّر ظهورك سيدي ندعي إو نعاتب
ــــــــــــــــــــــــــــــــــــــــــــــــــ ـــــــــــــــــــ
مع تحيات شاعر اهل البيت / جابر النجفي
http://www.wlidk.net/dld4dv04697.mp3.html
مشاهدة المزيد