[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

عطشانه إتريد الماي
ـــــــــــــــــــــــــــــــــــ
يمكن قراءة هذه القصيده بنفس طور قصيدة ( هاي المهضومه إتنادي ) التي قرأها
الرادود الحسيني المرحوم وطن النجفي
ــــــــــــــــــــــــــــــــــــــــــــــــــ ــــــــــ
عباس إنهض لطفالك == عطشانه إتريد الماي
حر النار الياذيهـــــــا == إﻟﺣﮓ عباس إعليها
عطشانـــه إتريـــد المـــاي
ــــــــــــــــــــــــــــــــــــــــــــــــــ ـــــــــــــ
ياعباس ياخويه العطش ماذينـــه == من يوم غاب الجود ياساﮔينه
أطفالك إبياحال تهتف وينـــــــه == عمنه أبو فاضل تره إمتانينه
واني إبناري إو ما أدري == حاير دمعي إبعينـاي
وإطفالك يمّــــــي إتنادي == تنخاك إبأسم الهادي
عطشانـــه إتريـــد المـــاي
ــــ
عباس ياحامل لواء الكــــــــــــرار == يوم الرحت للمشرعه صرنه إبنار
ويّاك ﮔلبي للمنايا ســـــــــــــــار == واني إعرفت ما ترجعنّه الأنوار
ما ترجع ياوالينـــــــــه == وإهمومي إتعيش إوياي
وإتمر بعيوني إطيوفــك == وإشلون الروح إتعوفـك
عطشانـــه إتريـــد المـــأي
ــــ
أدري يبو فاضل سهم صاب العيـن == وأدري على إتراب الرزايا اﻟﭼفيّن
وأدري طحت ﮔرب النهر تحمي الدين == وإشلـــــــون أشوفك ياسليل الطيبين
وإشلون أحضر للمصرع == تنظر عيني الرجـــــواي
وإﭼفوفه إتريد الرايـــــه == ﺗﺑﭼي أيتامه إو ﺷﭼــّـايه
عطشانـــه إتريـــد المـــاي
ـــــــ
هذا الوفه من أمكم العدكم صار == رضعتكـم أمكــــم بالوفه ياأحرار
أوفت علينه المرتضه حامي الجار == كلكـم فديتوا إحسين يوم الأخطار
وإشلون أنساكم آنـــــــي == وأنسه الساﮔـي الحمّاي
سيف الحق ذاك الينحـــر == وأطفالي الشردت للبـر
عطشانـــه إتريـــد المـــاي
ــــ
عباس تسألني العزيزه إسكينه == عمّي يعمّه ما رجع يروينه
خل يرجع إو يطفيه اللهيب البينه == عمّـــــي أبو فاضل يحن إعلينه
لوشاف الهم يبرالــــي == يمسح همّي إو بلــــواي
نور إو مرهم لجروحي == خبري الكافل عن روحي
عطشانه تريد الماي
ـــــــــــ
عباس بعدك ما صفتلي الأيّام == ظليــت بالهم حيّرتني الأيتام
من فارﮔت عيني إو رحت ياضرغام == مــــــا ظلت إﺑﮔلبي أبد أي أحلام
وإمصابك لوّع روحـــي == يانور إو ضَيْ دنياي
ياخويه إو فرحة عمري == بعدك أطفالك تــدري
عطشانه تريد الماي
ــــــــــــــــــــــــــــــــــــــــــــــــــ ـــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld71r45035.mp3.html

[ابوتكتم الخير]

عظم الله اجوركم
كتبت في صحيفة أعمالك
لك من الحسين الشفاعة
موفق

[مصحح المسار]

سلمت يدك شاعرنا

[فضّه]

اللهم صل على محمد وآل محمد وعجل فرجهم الشريف

احسن الله عزاكم وجزاكم خير الجزاء

بارك الله بهالابيات وكاتبها ان شاء الله

[جابر النجفي]

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

عظم الله اجوركم كتبت في صحيفة أعمالك لك من الحسين الشفاعة موفق

ـــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ ابو تكتم الخير
اشكرك وعظم الله اجورك

[جابر النجفي]

اقتباس : المشاركة الأصلية كتبت بواسطة مصحح المسار [ مشاهدة المشاركة ]

سلمت يدك شاعرنا

ــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ مصحح المسار
اشكرك وعظم الله اجورك

[جابر النجفي]

اقتباس : المشاركة الأصلية كتبت بواسطة فضّه [ مشاهدة المشاركة ]

اللهم صل على محمد وآل محمد وعجل فرجهم الشريف احسن الله عزاكم وجزاكم خير الجزاء بارك الله بهالابيات وكاتبها ان شاء الله

ـــــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخت فضه
اشكركِ وعظم الله اجوركِ