[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

نيرانها تلهب ( فائزي ملمع في أبي الفضل العباس عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
ياكاشفَ الغــــــمِّ === يافاديَ الـــدمِّ
نالَ الدُجى زينبْ === نيرانُها تلهبْ
ياكاشفَ الغمِّ
ــــــــــــــــــــــــــــــــــــــــــــــــــ ـــــــ
عباس يلكافل غدت زينب إبهمهـــــــــا == مهمومه تروي الماجره للزهره أمها
ياريت تحضر فاطمه وإتصير يمهــــــا == ياريت أبوها المُرتضه صدره يُظمها
يأتي لها الحامي === بقلبِهِ الدامـي
وهمُّها يذهــــبْ === نيرانُها تلهبْ
ياكاشفَ الغمِّ
ــــــــــ
تسأل عقيلة حيدره جودك صُفه ويــــــن == ما تدري ناره تلتهب من شاف الحسين
ظهره إنكسر بعدك تصب دم هامله العين == خل ﭼﻓك الدامي يهل يكشف جِفَه البين
أجرى الأسى ماءَهْ === يشكو لها داءَهْ
وحزنُها أصعـــــبْ === نيرانُها تلهــبْ
ياكاشفَ الغمِّ
ــــــ
نادت يعباس الحرم عطشانه ترجــاك == من النهر غانم ترد مرفوعه يمناك
والجود يحضن يمنتك مهموم ويـــــّاك == واني يخويه إبحسرتي ما أﮔدر أنساك
فالقلبُ لا يُـــروى === يبقى على البلوى
عيني فلاتنضـــبْ === نيرانُها تلهــــــبْ
ياكاشفَ الغمِّ
ــــ
سكنه تنادي ياشهم وينك يعمّي == أنتظرك إبعز الصبر نيران همّي
ماريد ماي إو لاشرب بس ﺗﺑﮔﻪ يمّي == ياريــــــت دمّك ماجره واليجري دمّي
دمعُ النوى جاري === ياحاميَ الدارِ
وعمّتي تنحـــــبْ === نيرانُها تلهبْ
ياكاشفَ الغمِّ
ــــــــ
ياخويه نورك لو يهل نِنسَه ظمانه == من يظلــــم الليل إو يحل إنتَ رجانه
لو تمشي عنّه إو ما ترد بي مَنْ عزانه == عنـــــــدك تظل روحي يبن حيدر أمانه
ذابـــتْ مآقينــــــــا === حلَّ الردى فينا
روحي سمتْ ياربْ === نيرانُها تلهــبْ
ياكاشفَ الغمِّ
ـــــــ
أدري السهم هُوّ العِمَه عينك يمغــــــوار == وأدري العمد طر هامتك وإشتعلت إبنار
وأدري ﭼفوفك إنبرت لايمنه لايســـــار == وأدري كلامي تسمعه بس إنتَ محتار
لاتقوى أنْ تنهضْ === طبعُ الدُجى ينقضْ
روحي لكَ الأقـربْ === نيرانُها تلهـــــــبْ
ياكاشفَ الغمِّ
ــــــــــــــــــــــــــــــــــــــــــــــــــ ـــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldpgd37550.mp3.html

[ابوتكتم الخير]

بارك الله بك النجفي المبدع
كلمات وصفت بها العباس تدمي القلب قبل العيون
يشسفع لك العباس