عليه اتلملمن وين التهد الحيل
بيد اشكف واصيحن يا علي ادركني
علي كلها تفزعه من تحس بضيج
وعلي بطبعة فزعته لشيعي وسني
اكاون نحلني العاديات ثكال
واخاف من الشماته لو سمع وني
انا عراق الحضارة ومصدر التشريع
والخط والقلم ذني صدرن مني
التمت كلها اجانب وحجي ما مسموع
وكلمن بيده سيفه يريد ينحرني
انا كبش الفداء اصبح لهذا وذاك
وصرت خادم ذليل للجان يخدمني
من ابن ملجم لكفها بسيف ابو سفيان
وعلى ممشى الزيارة يريد يذبحني
عدل لو مو عدل اتركني غاد حساب
وباجر بالحشر ما تنشد عني
قدملك صحيفه وبيها حط شتريد
واذا عايز طلايب غاد حاججني
بنيت بيوت بيدي لاهل داحي الباب
وكل الرسل مرت ونشدت عني
انا مهد الحضار لأسس التاريخ
وجثيرات السوالف واكتفي بذني
---
بقلمي
5-1-2013
عليه اتلملمن وين التهد الحيل
العرض العادي
