[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

ما عدهم مثل حيدر
( تجليبه )
ــــــــــــــــــــــــــــــــــــــــــــــــــ ـــــــــــــــــ
ماعدهم مثل حيدر ولي الأشرار === ولاعدهم مثل إولاده حامي الجار
ماعدهم مثل حيدر === يوم الموزمه يحضر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
مثل إولاد حيدر ما يصح بالكـــــــــون == حگ كل عاشگ إلهم يصبح المجنون
إذا إنجنّوا سُوَه حگ عابس إو حگ جون == حُـــــب إحسيــــن جنّنهم أبو الأحـــرار
ـــــــ
حُب إحسين جنّن كُل مُحِبينـــــــه == حُب عن معرفه إو إيمان يحدينه
لو كل الأمـــــــم لجلـــه تعادينــــه == أبد مَنْجوز عن حُبّه إو نظل زوّار
ــــــ
أبد مَنْجوز عن حُب الشهيد إحسين == نظل نهواه ما تنشف دموع العيـن
حُب إحسين واجب بي ثبات الدين == وصّانـــــــه الرسول إبهاي والكرار
ــــــ
وصّانه الرسول إبعترته إو آلـــــــه == أبد ما ظل عُذر كل الوهم زاله
ضواهم ما يزول إو يبگه يتعالــــه == نواليهم أهل بيت النبي المختار
ــــــ
نوالــــــي حيدره المظلوم وإولاده == للمهدي نصير إجنوده وإسناده
نتنطر ظهوره إو طلعة أمجــاده == ناخذ ثار هجمتهم عليها الدار
ـــــ
ناخذ ثار زهرة أحمد الهادي == نوصـل للمدينه إو نهتف إنّادي
گبرها وين ريت إبمهجتي الفادي == ريــــت إوياك أمشي الكربله ياثار
ـــــــ
ريت إوياك أمشي الكربله مــــولاي == وأزور إحسين دم تجري عليه عيناي
وأشوف إبلهتفي أنوار ساگــي الماي == وصيـــــــح إبياذنب حرگت خيمهم نار
ــــــ
وصيح إبياذنب زينب يشتموها == حفيــــــدة أحمد إو لازم يحشموها
من شوفة أبو السجّاد حرموها == خذوها إمْيَسّره للشام بيهم عار
ـــــــ
خذوها إمْيَسّره رادوا يذلوهــــا == عزيزة فاطمه زينب يعرفوها
لسان الحق غدت غصباً يسمعوها == لســـان المُرتضه يفضح أميّه صار
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld29o82018.mp3.html

[عبدالله خلف العتابي]

صدقت اي والله ياجابر النجفي الرائع
ما عدهم مثل علي ولي الاشرار
روعه واسال الله ان يجعلك سعيدا
في الدنيا والاخره هنيئا لك هذا الولاء
تلميذك المبتدا
والصغير
عبدالله العتابي

[جابر النجفي]

اقتباس : المشاركة الأصلية كتبت بواسطة عبدالله خلف العتابي [ مشاهدة المشاركة ]

صدقت اي والله ياجابر النجفي الرائع ما عدهم مثل علي ولي الاشرار روعه واسال الله ان يجعلك سعيدا في الدنيا والاخره هنيئا لك هذا الولاء تلميذك المبتدا والصغير عبدالله العتابي

ــــــــــــــــــــــــــــــــــــــــــــــــــ ـــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز عبد الله العتابي
اشكرك وفقك الله وعظم اجورك